عێراق و ئوردن جەخت لەسەر خێراكردنی هەنگاوەكانی جێبەجێكردنی پڕۆژە ستراتیژییە گەورەكان دەكەنەوە

عەممان - INA - هبە سودانی
ئەمڕۆ چوارشەممە، ، وەزیری پیشەسازی و كانزاكان خالد بەتال و سەرۆك وەزیرانی ئوردن بەشەر خساونە جەختیان لەسەر پێویستی خێراكردنی هەنگاوەكانی جێبەجێكردنی پڕۆژە ستراتیژییە گەورەكان كردەوە.
پەیامنێری ئاژانسی هەواڵی عێراقی ڕایگەیاند: سەرۆك وەزیرانی ئوردن بەشەر خساونە لە نوسینگەی خۆی لە ماڵی سەرۆك وەزیران، پێشوازی لە وەزیری پیشەسازی و كانزاكان خالد بەتال كرد، كە سەردانی شانشینی كردووە بۆ سەرۆكایەتیكردنی لایەنی عێراقی لە كۆبوونەوەكانی خولی سییەمی لیژنەی وەزاری هاوبەشی نێوان هەردوو وڵات، كە ئەمڕۆ لە عەممان دەست بە كارەكانی دەكات و لەلایەنی ئوردنی وەزیری پیشەسازی وبازرگانی و  دابینكردن یوسف شمالی سەرۆكایەتی دەكرێت.
ئاماژەی بەوەشكرد: لە كۆبوونەوەكەدا وەزیری پیشەسازی و بازرگانی و دابینكردن یوسف شمالی و بەرپرسی كاروباری عێراقی لە عەممان مونیف عەلی حسێن ئامادەبوون.
رونیشیكردەوە: خساونە جەختی لە پەیوەندییە مێژوویی و برایەتییەكانی نێوان هەردوو وڵاتی برا و پەرۆشی بەهێزكردنی لە هەموو بوارەكاندا كردەوە، بۆ خزمەتكردنی بەرژەوەندی هەردوولا، هاوكات ئاماژەی بە گرنگی كۆبوونەوەكانی لیژنەی وەزاری هاوبەشی نێوان هەردوو وڵات و ڕۆڵیان لە بەرزكردنەوەی بوارەكانی هاریكاری ئابووری و بازرگانی و وەبەرهێنان كرد.
وتیشی: هەردوولا جەختیان لەسەر پێویستی خێراكردنی هەنگاوەكانی جێبەجێكردنی پڕۆژە ستراتیژییە گەورەكان لەسەر ئەرزی واقیع كردەوە كە لەڕووی دوولایەنە و لەچوارچێوەی میكانیزمی هاوكاری سێ قۆڵی نێوان ئوردن و عێراق و میسر كە ڕێككەوتنیان لەسەر كراوە، بەتایبەتی سەبارەت بەیەكەوەبەستی كارەبا و شاری پیشەسازی لەسەر سنوری نێوان ئوردن و عێراق، بە شێوەیەك كە خزمەت بە بەرژەوەندی هەرسێ وڵات و گەلەكانیان بكات.