وەزیری ناوخۆ داوای جێبەجێكردنی پلانی هەواڵگری و پشت بە تەکنەلۆجیای سەردەم ببەستێت ئەنجام بدرێت

بەغدا- INA

وەزیری ناوخۆ، سەرۆکی لیژنەی باڵای ئاسایش بۆ دەستەبەرکردنی سەردانەکەی چلەی ماتەمین ئیمام حوسێن سەلامی خوای لەسەر بێت ، عەبدولئەمیر  شەمەری داوای لێکرد پلانی هەواڵگری دابڕێژێت و پشت بە تەکنەلۆجیای سەردەم ببەستێت.
وەزارەتی ناوخۆ  لە بەیاننامەیەکدا کە بۆ ئاژانسی هەواڵی عێراقی (INA) نێردراوە تێیدا هاتووە ،، “وەزیری ناوخۆ و سەرۆکی لیژنەی باڵای ئاسایش بۆ دەستەبەرکردنی سەردانەکەی چلەی ماتەمین ئیمام حوسێن سەلامی خوای لەسەر بێت ، عەبدولئەمیر شەمەری سەرپەرشتی کۆبوونەوەیەکی لە بارەگای هەواڵگری فیدراڵی کرد و دەزگای لێکۆڵینەوە، کە دەزگا هەواڵگرییەکانی وەزارەتەکانی بەرگری و ناوخۆ و هێزەکانی حەشدی شەعبی  لەخۆگرتبوو”.
بەگوێرەی بەیاننامەکە، وەزیری ناوخۆ، جەختی لەوە کردەوە، “گرنگی هەماهەنگی نێوان هەموو دەزگا هەواڵگرییەکان لە کاتی سەردانەکەی چلەی ئیمام حوسێن، سەلامی خوای لەسەر بێت، بۆ دەستەبەرکردنی یەکخستنی زانیاریەکان و کارکردن لەسەر شیکردنەوەیان بۆ بەرزکردنەوەی ئاستی ئاسایشی ئەم بۆنەیە کە تیایدا ملیۆنان سەردانکەر لە ناوخۆ و دەرەوەی وڵاتەوە بەشداری دەکەن”. 
جەختیشیکردەوە "دابەشکردنی سەرچاوە مرۆییەکان بەشێوەی پێویست و هاوکاریی تەواو لەگەڵ هێزە ئەمنییەکان کە بۆ ئەم ئەرکەیان پێسپێردراوە"، ئاڕاستەی "پەرەپێدانی پلانی هەواڵگری و پشتبەستن بە تەکنەلۆجیای هاوچەرخ" دەکات.