ڕاوێژکاری سەرۆک وەزیران: پێوەرەکانی نرخی نەوت سەرەڕای هەڵاوسانی ئابووری جیهانی بە جێگیری ماونەتەوە

به‌غدا-INAـ ئەمنا سەلامی
ئەمڕۆ سێشەممە، ڕاوێژکاری سەرۆک وەزیران، مەزهەر محمد ساڵح، جەختی لە گرنگی وریایی وهۆشیاری ئابووری سەبارەت بەو هەڵچوونانەی کە ئابووری ئەمریکا به‌خۆیه‌وه‌بینیوە و کاردانەوەکانی لەسەر ئابووری جیهانی، بەتایبەتی لەسەر بازاڕەکانی وزە کردەوە، لە هەمان کاتدا ئاماژەی به‌پێوەرەکانی نرخی نەوتدا کە سەرەڕای ئەم هەڵچوونانە بە جێگیری دەمێننەوە.
ساڵح بە ئاژانسی هەواڵی عێراقی (INA)ی ڕاگەیاند" چەند ڕۆژێک لەمەوبەر سه‌نته‌ره‌ ئابووریه‌كان جیهان سەریان سوڕما لە هەڵاوسانی توند و دابەزینی بازاڕی بۆرسەی ئەمریکا لە نێوان شەپۆلێکی ترس و دڵەڕاوکێ لە ترسی بوونی ئەگەری پاشەکشە لە گەورەترین ئابووری لەجیهان، کە ئابووری ئەمریکایە، وەک نیشاندەری سەرەکی دارایی دابەزینی بەخۆیەوە بینی، لەنێویاندا پێوەرەکەی داو جۆنز بوو كه‌لە کۆمپانیا پیشەسازییە گەورەکانی ئەمریکا نزیکەی هەزار خاڵ بە یەکجار دابەزیوە”.
ئاماژەی بەوەشکرد ئەم دابەزینانە لەسەر بنەمای تێکەڵەیەک لە هۆکارە ئابوورییە ناوخۆیی و جیهانییەکان بووە کە بووە هۆی لاوازبوونی متمانەی وەبەرهێنەران بە ئەدای ئابووری ئەمریکا، بەتایبەتی کە پێوەرەکانی دامەزراندن یان هەلی کار لە ئەمریکادا ئاماژەیە بۆ ڕەوتێک بەرەو بێکاری لەگەڵ دابەزینێکی چاوەڕوانکراو لە ساڵی ڕابردوودا، ئەگەر دۆخەکە بۆ ماوەی شەش مانگی بەردەوام بێت، پاشکەوتنی ئابووری دەگۆڕێت بۆ چه‌قبه‌ستۆیه‌كی گەورە کە هەموو ئابوورییەکانی جیهان دەگرێتەوە."
ساڵح لە درێژەی قسەکانیدا وتی" پێوەری ناجێگیری FX لە ئێستادا بەرزبوونەوەیه‌كی بەرچاوە به‌خۆیه‌وه‌ ده‌بێنێت، ئەمەش بە واتای لەدەستدانی متمانەی وەبەرهێنەران بە داهاتووی ئابووری ئەمریکایه‌، هەروەها بازرگانان لە بازاڕی داراییدا بەرەو پۆزیشەنی کورت دەڕۆن، واتە فرۆشتنی پشکەکان بە نرخی ئێستایان پێش ئەوەی تێکبچن، بۆ ئەوەی بتوانرێت بە نرخێکی کەمتر بکڕدرێتەوە، یان ئەوەی کە پێیان دەوترێت پۆزیشەنی درێژ لە داهاتوودا لە چوارچێوەی خولی دابەزینی سەروەت و سامانی دارایی، و بە گشتی، بازاڕە داراییەکان کاردانەوەیان دەبێت بەرامبەر بە یەکگرتنی ڕاستەقینە پێوەرە ئابوورییەکان و پێشهاتە جیۆپۆلەتیکییەکان لە ڕۆژهەڵاتی ناوەڕاست و ئۆکرانیا و ناوچەکانی دیکەی جیهان، کە بووەتە هۆی نیگەرانییەکی بەرفراوان و جوڵەی بەرچاو لە ناسەقامگیریی بازاڕی دارایی جیهانیدا”.