فەرماندەی گشتی هێزە چەكدارەكان ڕێنمایی بۆ پێكهاتە ئەمنی و سەربازییەكان دەردەكات
سیاسی
- 31-07-2024, 15:26
بەغدا –INA
سەرۆكی ئەنجومەنی وەزیران محەمەد شیاع سودانی، ئەمڕۆ چوارشەممە، سەرۆكایەتی كۆبوونەوەیەكی كرد كە ژمارەیەك سەركردەی سەربازی و ئەمنی لەخۆگرتبوو.
نوسینگەی ڕاگەیاندنی سەرۆكی ئەنجومەنی وەزیران لە راگەیندراوێكدا كە بۆ ئاژانسی هەوالێ عێراقی ( INA )نێردراوەتێیدا هاتووە " محەمەد شیاع سودانی، سەرۆكی ئەنجومەنی وەزیران ئەمڕۆ چوارشەممە، سەرۆكایەتی كۆبوونەوەیەكی كرد كە ژمارەیەك سەركردەی سەربازی و ئەمنی لەخۆگرتبوو".
بەگوێرەی ڕاگەیەندراوەكە سەرۆك وەزیران " پێداچوونەوەی كرد بۆ سەرجەم ئەو پێشهاتە ئەمنیانەی كە لە چەند كاتژمێری ڕابردوودا ڕوویاندا، هەروەها لە كۆبوونەوەكەدا تاوتوێی داتا ئەمنییەكان و كاردانەوەی چاوەڕوانكراوی دەرئەنجامەكانی ڕووداوەكانی عێراق و ناوچەكە كرا".
هەروەها ئەوەیش هاتووە كە لە میانەی كۆبوونەوەكەدا، سودانی" كۆمەڵێك ڕێنمایی و ڕاسپاردەی بۆ پێكهاتە ئەمنی و سەربازییە جیاوازەكان دەركرد".
