سه‌رۆکی هه‌رێمی کوردستان سه‌ره‌خۆشی له‌شێخ نه‌هرۆ كه‌سنه‌زانی ده‌كات
سیاسی
- 29-07-2024, 11:16
هه‌ولێرـINA
نێچیرڤان بارزانی سه‌رۆكی هه‌رێمی كوردستان پرسه‌نامه‌یه‌ك ئاراسته‌ی شێخ نه‌هرۆ كه‌سنه‌زانی ڕێبه‌ری ته‌ریقه‌ی كه‌سنه‌زانی كردووه به‌بۆنه‌ی كۆچی دوایی غاندی شێخ محه‌مه‌دی برایان.
نووسینگه‌ی ڕاگه‌یاندنی سه‌رۆكی هه‌رێمی كوردستان پرسه‌نامه‌كه بۆ ئاژانسی هه‌واڵی عێراقی ناردووه، وتێدا هاتووه" پرسه و سه‌ره‌خۆشیی قووڵم ئاراسته‌ی به‌ڕێز شێخ نه‌هرۆ که‌سنه‌زانی و خانه‌واده به‌ڕێزه‌که‌یان ده‌که‌م بۆ کۆچی دواییی خوالێخۆشبوو غاندی شێخ محه‌مه‌دی برایان و ئه‌ندامی ئه‌نجومه‌نی نوێنه‌رانی عێراق، هاوسۆز و هاوخه‌میانم.
له خوای مه‌زن داواکارم گیانی خوالێخۆشبوو به به‌زه‌یی و میهره‌بانیی خۆی شاد بکات و ئارامی و دڵنه‌وایی به هه‌مووان ببه‌خشێت.
