تەواوی بڕیارەكانی دانیشتنی ئەنجومەنی وەزیران

بەغداد - INA
ئەمڕۆ سێشەممە، ئەنجومەنی وەزیران لە دانیشتنی ئاسایی خۆیدا، كۆمەڵێك بڕیاری دەركرد، سەبارەت بە تەرخانكردنی دارایی بۆ پەرەپێدانی چەند دەروازەیەكی سنووری، هەروەها دەسەڵاتدان بە وەزارەتی پەروەردە بۆ گرێبەستكردن، بەشێوەی ڕەوانەكردنی ڕاستەوخۆ، لەگەڵ تۆڕی راگەیاندنی عێراقی و فەرمانگەی كاروباری ڕۆشنبیری لە وەزارەتی ڕۆشنبیری، بۆ تەواوكردنی چاپكردنی پرۆگرامی خوێندنی قوتابخانەكان.
نوسینگەی ڕاگەیاندنی سەرۆك وەزیران لە بەیاننامەیەكدا كە بۆ ئاژانسی هەواڵی عێراقی ناردووە، دەڵێت: ئەمڕۆ سێشەممە، ئەنجومەنی وەزیران سییەمین دانیشتنی ئاسایی خۆی ئەنجامدا، بە سەرۆكایەتی سەرۆكی ئەنجومەنی وەزیران محەمەد شیاع سودانی، و لە میانی دانیشتنەكەدا باس لە بارودۆخی گشتی وڵات كرا، هەروەها بەدواداچوون بۆ جێبەجێكردنی ئەولەویەتەكانی بەرنامەی حكومەت كرا و پێداچوونەوە بە گرنگترین فایلەكانی پەیوەست بە پەرەپێدان و لایەنە ئابوورییەكان كرا، هەروەها ڕەچاوكردنی ئەو بابەتانەی لە بەرنامەی كاردا هاتووە و دەركردنی بڕیار لەبارەیانەوە. 
لە بەیاننامەكەدا هاتووە، لە سەرەتای دانیشتنەكەدا سەرۆك وەزیران باسی لە كردنەوەی ژمارەیەك كارگە كرد لە سەردانەكەی چەند ڕۆژێك لەمەوبەری بۆ كۆمپانیای پیشەسازی جەنگی كە هەندێكیان دەرئەنجامی هاریكاری لەگەڵ كەرتی تایبەت بوو، كە توانیان هاوردەكردن و بەڕێوەبردنی هێڵی بەرهەمهێنانی گرنگ، لەنێویاندا كارگەی كەپسولەكان، كە نزیكەی تاكە كارگەیە لە ناوچەكەدا، و جەختی لەسەر پێویستی هاوتاكردنی ئەم توانایانە لەگەڵ پشتگیری و هاندان بۆ پیشەسازی نیشتمانی كردەوە.
سودانی تەئكیدیكردەوە: كە وەزارەتەكان و دەزگا ئەمنییەكان دەبێت پشت بەو شتانە ببەستن كە لە دەستەی پیشەسازیی جەنگیدا بەردەستە، بەتایبەتی  ئامێر و بەرهەمەكانی بە ستاندارد و تێچووی گونجاو بەرهەم دەهێنێت، ئەمەش نوێنەرایەتی فاكتەری جەوهەری دەكات بۆ گەیشتن بە سەروەری، و وتیشی: ئەم پیشەسازیانە دەتوانن بنكەیەك بن بۆ پەرەپێدانی پیشەسازی شارستانی جیاجیا، چونكە بەشێك لە كارگەكان خزمەت بە وەزارەتە شارستانیەكان دەكەن، لەنێویاندا كارگەی نۆژەنكردنەوەی محاویلەی كارەبایی.
هەر بە گوێرەی بەیاننامەكە، سودانی باسی لەو دیدارەی كرد كە لەگەڵ خاوەن ئاشە ئەهلییەكان ئەنجامی داوە، كە ئاردی سفر بەرهەم دەهێنن، بەو پێیەی وڵات پشتی بە هاوردەكردنی ئەم مادەیە بەستووە بە ڕێژەی 90% كە ساڵانە بڕی 750 ملیۆن دۆلار بووە، جەختیشیكردەوە: لەسەر پێویستیی پشتبەستن بە دەزگاكانی حكومەت بە بەرهەمی نیشتمانی و هاندانی ئەم بەرهەمە ناوخۆییە دەتوانرێت لە سەبەتەی خۆراكدا بەكاربهێنرێت كە بە هەزاران تۆن دابەش دەكرێت.
سودانی ڕوونیشیكردەوە: واقیعی ئابووریی ئێمە پێویستی بە كاراكردنی كەرتە ئابوورییەكانی تر جگە لە نەوت هەیە ، ئەمەش پێویستی بە بڕیار و كردەوەی بەردەوام هەیە، و وتیشی: كەرتی تایبەت بنەماكانی پێشكەوتنی هەیە، لەوانە هاوسەنگ بوون لەگەڵ گەشەپێدانی تەكنەلۆژیای پیشەسازی، جەختیشیكردەوە: لەپێویستی پشتگیریكردن لە كەرتی تایبەت و ڕەخساندنی دەرفەت بۆ، بە مەبەستی ڕەخساندنی هەلی كار.
بەیاننامەكە ئاماژەی بۆ ئەوەشكردووە: بەبۆنەی نزیكبوونەوەی وادەی سەردان بۆ ساڵیادی چلەی شەهیدبوونی ئیمام حسێن (سەلامی خوای لەسەر بێت) و هاوەڵانی، سەرۆك وەزیران ڕێنمایی كرد كە هەوڵەكان چڕ بكرێنەوە بەمەبەستی ئامادەكردنی سەرجەم هۆكارەكانی سەركەوتنی سەردانەكە و هاتنی سەردانكەران، و كە وەزارەتە پەیوەندیدارەكان هەوڵی تەواو دەدەن بۆ پشتگیریكردنی پارێزگاكان، و دەستپێكردنی هەڵمەتی هەمەلایەنە بۆ نۆژەنكردنەوەی ئەو ڕێگایانەی كە سەردانكەران دەیگرنەبەر بۆ كەربەلای پیرۆز، و گرنگیدان بە هەموو پێداویستییەكان بۆ تەواوكردنی مەراسیمەكە بە تەواوی.
رونیشیكردەوە: ئەنجومەن بەردەوام بوو لە تاوتوێكردنی بڕیارەكان لە بەرنامەی كاردا و بڕیاری پێویستی سەبارەت بەو بڕیارانە داوە لە بواری بەدواداچوون بۆ پڕۆژە دواكەوتووەكان و پڕۆژەكانی ژێرخانی و تەواوكردنیان، ئەنجوومەنی وەزیران ئەمانەی خوارەوەی پەسەند كرد:
1- زیادكردنی تێچووی كۆی پڕۆژەكە (دەستخستنی پارچە زەوی بە ژمارە (5686/1) م 43، یارمجەی شەرقیە/ موسڵ، پارێزگای نەینەوا)/وەزارەتی داد.
2- پەسەندكردنی بڕی ئەو زیادكردنەی كە دەبێ بدرێت لەسەر باجی نەدراو، لە چوارچێوەی بڕیاری 301ی ئەنجومەنی وەزیران ساڵی 2021، لە (گرێبەستی 1 بانگهێشتی ڕاستەوخۆ/2012)، پڕۆژەیەك بۆ دروستكردنی (251) بینای قوتابخانە، بە بەكارهێنانی شێوازی بیناسازی كۆنكرێتی، لە پارێزگارەكان جگە لە بەغدا.
لە ڕەشنووسی گرێبەستی (2012/ راسپاردنی/4) ، كە بریتییە لە دروستكردنی (73) قوتابخانە بە بەكارهێنانی شێوازی بیناسازی كۆنكرێتی لە پارێزگاكانی بەغدا و بابل، كە (60) قوتابخانە لە بەغدا و (13) قوتابخانە لە بابل. لە ڕەشنووسی گرێبەستی (1/ڕاسپاردن/2012)، دروستكردنی (65) قوتابخانە لەبری ئەوانەی مەترسی داڕمانیان لەسەرە، بە توانای جۆراوجۆر، بە بەكارهێنانی شێوازی بیناسازی كۆنكرێتی، (20) لە بابل، (41) لە موسەننا ، و (4) لە دیوانیە.
3- پەسەندكردنی بڕی زیادكردنی كۆی تێچوونەكان و ڕێژەی یەدەگ بۆ ئەو پڕۆژانەی كە لە نوسراوی وەزارەتی پلاندانان لە بەرواری 8ی تەمموزی 2024 تۆمار كراوە، كە ئەو فەرمانە یەدەگانەی پێشتر جێبەجێ كراون لەخۆدەگرێت، كە پێویستە جێبەجێ بكرێن ( قۆناغی دووەم)، و ئەو فەرمانە یەدەگانەی كە لە ئەنجامی بڕی كارە تەواونەكراوەكانەوە دروست دەبن بەپێی بڕیاری ئەنجومەنی وەزیران (301 ساڵی 2021).
4- زیادكردنی بڕی یەدەگ بۆ گرێبەستی (دروستكردنی پردی باكوری تكریت) و نزیكبوونەوەكانی (قۆناغی یەكەم) لە چوارچێوەی پڕۆژەی (دروستكردنی پردی كۆنكرێتی تكریت (پردی باكووری تكریت) و نزیكبوونەوەكانی.
5- زیادكردنی كۆی تێچووی پڕۆژەی سەرەكی (كاری پەرەپێدانی نەخۆشخانەی بەندەرەكانی گشتی/ پارێزگای بەسرە).
6- زیادكردنی بڕی یەدەگ بۆ گرێبەست (جێبەجێكردن و تەیاركردنی وێستگەی ئاوەڕۆی هیندییە/ پارێزگای كەربەلای پیرۆز، بە توانای دیزاین 25 هەزار م3 لە ڕۆژێكدا، و زیادكردنی كۆی تێچووی پڕۆژەی ( ئاوەڕۆی هیندییە).
7- زیادكردنی بڕی یەدەگ و كۆی تێچووی پڕۆژەكە (نوسینگەی تۆڕی نیشتمانی بۆ مافەكانی مرۆڤ لە پارێزگای ئەنبار).
٨- زیادكردنی بڕی یەدەگ و كۆی تێچووی پڕۆژەی سەرەكی (قیرتاوكردنی شەقامەكانی سەنتەری پارێزگای بەسرە لەگەڵ شۆستە، ژمارە 7).
هەر لە بەیاننامەكەدا هاتووە، لە درێژەی چارەسەرەكان بۆ كەرتی كارەبا، ئەنجوومەنی وەزیران ڕاسپاردەی لیژنەی ناوەندی بۆ پێداچوونەوە و پەسەندكردنی ڕەوانەكردن لە وەزارەتی كارەبا پەسەند كرد، سەبارەت بە واژۆكردنی گرێبەستی زیادە لەگەڵ كۆمپانیای (BFT) لە چوارچێوەی پلانی وەبەرهێنان، كەدیزاین و ئامادەكردن و جێبەجێكردنی هێڵەكانی گواستنەوەی كارەبا لەلایەن كۆمپانیای پەیوەندیدارەوە دەگرێتەوە، بەپێی ئەمانەی خوارەوە:
1- پشتبەستن بە تێچووی ستانداردی باو كە خزمەت بە بەرژەوەندی وەزارەتی كارەبا دەكات.
2- دیاریكردنی ئەو هێڵانەی كە لە چوارچێوەی گرێبەستەكەدا جێبەجێ دەكرێن، دوای بەدەستهێنانی ڕەزامەندی پێویست، بەمەرجێك لە سەقفی دارایی گرێبەست تێنەپەڕێت كە لە هاوپێچی گرێبەستەكەدا دیاریكراوە، و تەنها ئاماژە بە كۆی درێژی هێڵەكان بكرێت.
3-كۆمپانیای BFT زیادەكانی پێشووی بانكی لە ئەستۆ دەگرێت، بە مەرجێك كۆمپانیای گواستنەوەی كارەبای گشتی/ناوچەی ناوەڕاست یەكپارچەیی و وردی ڕێكارەكانی گرێبەست هەڵبگرێت، بەپێی یاسا و ڕێسا و ڕێنماییەكان.
لە بەشێكی تری بەیاننامەكەدا هاتووە، كە ئەنجومەنی وەزیران ڕەزامەندی دەربڕی لەسەر بەدەركردنی وەزارەتی كارەبا لەو ماوەیەی لە بڕیاری ئەنجومەنی وەزیران (24008ی ساڵی 2024ی)دا هاتووە، سەبارەت بە بەردەوامی لابردنی بارەكان لە سەرجەم دەروازە سنوورییەكان، و دواخستنی وەرگرتنی ڕسومات؛ بۆ دووركەوتنەوە لە قەرەباڵغی كۆنتێنەرەكان، تەواوكردنی بەرنامەكانی چاككردنەوە، و چارەسەركردنی بارودۆخە فریاگوزاریەكان لە هاویندا و زیادكردنی داواكاری وزە. ئەم بڕیارە لە بەرواری دەرچوونیەوە تا 15ی تشرینی یەكەمی 2024جێبەجێ دەكرێت.
ئاماژەی بۆ ئەوەشكرد: لەچوارچێوەی پەرەپێدان و پاڵپشتیكردنی پیشەسازی نیشتمانی، ئەنجومەن ڕاسپاردەكانی كۆنووسی كۆبونەوەی لیژنەی غازی وشك بۆ پڕۆژەكانی وەبەرهێنان پەسەندكرد، سەبارەت بە (كارگەی پەینی خور زوبێر/كۆمپانیای پەینی گشتی باشوور، پرۆژەی پەینی ئەبو خەسیب/ لە ژێر ڕێكارەكانی ڕەوانەكردن، و پڕۆژەی نوێ)، بە لەبەرچاوگرتنی سەرنجەكانی وەزیری پیشەسازی و كانزاكان لەسەر مەزەر، لەوانە:
1- دیاریكردنی نرخی غازی وشك كە بۆ وێستگەی پەینی باشوور دابین دەكرێت: 50 دینار/مقەمەق، بۆ هێڵی كۆمپانیای گشتی و هێڵی كۆمپانیا لەگەڵ كەرتی تایبەت نرخی غاز بۆ پڕۆژە هاوپێچەكان 75 دینار/ مقەمەق دەبێت، و ئەو پڕۆژە نوێیانەی كە ڕادەگەیەنرێن بەپێی هاوكێشەیەكی نرخ دەبێت كە لە نێوان وەزارەتەكانی نەوت و پیشەسازیدا ڕێككەوتوون، بە ڕەزامەندی ئەنجومەنی وەزاری بۆ ئابووری.
2- وەزارەتی نەوت پابەندە بە تەرخانكردن و ئامادەكردنی ئەو پڕۆژە پیشەسازییە نوێیانەی كە پلانیان بۆ دانراوە بە هاوبەشی لەگەڵ كەرتی تایبەت، لەلایەن كۆمپانیا حكومییەكانەوە لە وەزارەتی پیشەسازی و كانزاكان، بە بڕی غازی وشك، بەپێی ئەو بڕی پێویست بۆ پڕۆژەكان، بەپێی خشتەیەكی كاتی بۆ ئامادەكاری، و بەو نرخانەی كە ئیمكانی ئابووریی دامەزراندنی ئەو پڕۆژانە بەدەست دەهێنن، بڕی و نرخەكان لە ڕێگەی ڕێككەوتنی نێوان وەزارەتەكانی نەوت و پیشەسازییەوە ڕێكدەخرێن، هەروەها بە ڕەزامەندی ئەنجومەنی وەزاری بۆ ئابوری.
3- پێویستە وەزارەتی پیشەسازی و كانزاكان هاوسەنگی ئابووری بگەڕێنێتەوە بۆ ئەو گرێبەستە شەراكەتانەی كە ئەنجامدراون، یان لە ژێر گرێبەستدان بۆ دامەزراندنی پڕۆژەی پیشەسازی نوێ، لە ڕێگەی دانوستاندنەوە لەگەڵ ئەو كۆمپانیایانەی بەشدارن لەگەڵیان، بۆ ئەوەی بگاتە فۆرمەلەیەكی ئابووریی جێبەجێكراو كە گەرەنتی پێشكەوتن و بەردەوامی جێبەجێكردن بكات، بە شێوەیەك كە زیان بە بەرژەوەندی هەردوولا نەگەیەنێت.
هەر بە گوێری بەیاننامەكە، ئەنجوومەنی وەزیران ڕاسپاردەكانی لایەنی تایبەتمەندی لە وەزارەتی پیشەسازی و كانزاكان (بەشی گەشەپێدان و ڕێكخستنی پیشەسازی)، بە پشتبەستن بە یاسای هەمواركراوی پاراستنی بەرهەمی عێراقی (11ی ساڵی 2010) پەسەند كرد، بەم شێوەیەی خوارەوە:
1- درێژكردنەوەی سەپاندنی باجی گومرگی زیادە بەڕێژەی 65%ی یەكەی پێوانەكردنی بەرهەمەكە (ئەمپۆلی پلاستیكی)، كە لە هەموو وڵاتانی ڕەسەنەوە هاوردەی عێراق دەكرێت، بۆ ماوەی 4 ساڵ بەبێ كەمكردنەوە.
2- سەپاندنی باجی گومرگی زیادە بە ڕێژەی 30%ی یەكەی پێوانە بۆ بەرهەمێك (دەبەی ئەلەمنیۆم بۆ خواردنەوە گازییەكان، شەربەت، و خواردنەوە وزەبەخشەكان).
3- وەزارەتی دارایی/دەسەڵاتی گشتی گومرگ باجی گومرگی بۆ ئەو بەرهەمانەی پێشتر ئاماژەیان پێكراوە جێبەجێ دەكات و وەزارەتی پیشەسازی و كانزاكان/بەشی گەشەپێدان و ڕێكخستنی پیشەسازی ئاگادار دەكاتەوە بە ئاگاداركردنەوەی دەورەیی لە بڕی هاوردەكراو و بەهای باجی زیادە لەسەر بەرهەمی بیانی هاوردەكراو و وڵاتانی هەناردەكار و لایەنەكانی هاوردەكردنی.
4- وەزارەتی پیشەسازی و كانزاكان ڕێژەی زیادبوونی هاوردەی بەبەراورد لەگەڵ سێ ساڵی ڕابردوو لەبەرچاو گرت. بۆ دیاریكردنی ڕادەی زیادبوونی ناڕەوا، و نیشاندانی توانای كۆمپانیای سكاڵاكار بۆ پڕكردنەوەی پێویستی بازاڕ بە شێوەیەك كە دڵنیابێت لەوەی نرخەكان هەڵاوسان نابن، و بۆ دیاریكردنی گرنگی پاراستنی پێویست بۆ ئابووری نیشتمانی. ئەم بڕیارە دوای 120 ڕۆژ لە بەرواری دەرچوونی جێبەجێ دەكرێت.
بەیاننامەكە راشیگەیاند: لە مەلەفی كەرتی نەوتدا، ئەنجومەنی وەزیران ڕاسپاردەی ئەنجومەنی وەزاری بۆ وزە (24062) بۆ ساڵی 2024 سەبارەت بە دەسەڵاتی كڕین و جێبەجێكردن پەسەندكرد، كە بریتییە لە بەرزكردنەوەی دەسەڵاتی كڕین و جێبەجێكردنی كۆمپانیای پرۆژە نەوتییەكان بۆ پرۆژەی (تۆڕی بۆری بەستنەوەی یەكەی FCC، لە پاڵاوگەی بەسرە)، لە 100 ملیۆن دینارەوە بۆ 500 ملیۆن دینار، لەسەر بنەمای ڕێنماییەكان بۆ ئاسانكاری جێبەجێكردنی یاسای بودجەی گشتی فیدراڵی كۆماری عێراق (1ی ساڵی 2023).
هەر لە بەیاننامەكەدا هاتووە: كە ئەنجومەن ڕاسپاردەی ئەنجومەنی وەزاری بۆ ئابووری (24225 ق) پەسەند كرد، سەبارەت بە پەسەندكردنی ڕاپۆرتی ئەو لیژنەیەی بە پێی فەرمانی دیوانی (24573 ساڵی 2024) پێكهێنراوە، كە لەلایەن نوسینگەی سەرۆك وەزیرانەوە دەرچووە، سەبارەت بە خوێندنی ئابووری كەرتی نەوت و گاز لە عێراق، كە دەبێتە هۆی پەسەندكردن و نیشاندانی تێچووی ڕاستەقینە لە ڕێگادا زنجیرە بەها، بەپێی بنەما ئابوورییەكان.
بەیاننامەكە ئاشكراشیكرد: لە پرۆسەی پەرەپێدانی ژێرخانی دەروازە سنوورییەكان بۆ پێشوازیكردن لە سەردانكەران و شاندەكان، ئەنجومەنی وەزیران ڕەزامەندی دەربڕی لەسەر وەزارەتی دارایی بڕی (5) ملیار دینار بۆ پارێزگای واست لە یەدەگی فریاگوزاری، بە پشتبەستن بە بڕگەكانی گشتی فیدراڵی یاسای بودجە (13ی ساڵی 2023)، بۆ نۆژەنكردنەوە و دامەزراندنی “گۆڕەپانی گواستنەوە” لە دەروازەی سنووری زرباتیە لەگەڵ هاوپێچەكانی، بە شێوەیەكی ڕێكوپێك و ئەندازەیی كە لەگەڵ پێگەی عێراق و پێشوازیكردن لە سەردانكەران بگونجێت.
رونیشیكردەوە: ئەنجومەن ڕەزامەندی دەربڕی لەسەر تەرخانكردنی بڕی (7) ملیار دینار بۆ پارێزگای میسان لە یەدەگی فریاكەوتن، بەپێی بڕگەكانی یاسای بودجەی گشتی، بەمەبەستی نۆژەنكردنەوەی بەپەلەی دەروازەی سنووری شیب، لەوانەش دروستكردنی 3 گۆڕەپان، وەك ئامادەكارییەك بۆ لێشاوی سەردانكەران بۆ مەزارگە پیرۆزەكان لە یادی چلەی ئیمام حسێن (سەلامی خوای لەسەر بێت)، و كە پارێزگای میسان پێویستە شێوازی بانگهێشتكردنی ڕاستەوخۆ پەیڕەو بكات، وەك ئیستسنایەك لە ڕێنماییەكانی جێبەجێكردنی گرێبەستە حكومییەكان (2ی ساڵی 2014) بە مەبەستی جێبەجێكردن، و كە پارێزگار میسان ڕاسپێردرێت بۆ جێبەجێكردنی پڕۆژەكە (دروستكردنی دەروازەی سنووری نوێی شیب) بە شێوەی كلیل بەدەست، وەك ئیستسنایەك لەو كۆنترۆڵانەی هاوپێچكراون بە ڕێنماییەكانی جێبەجێكردنی گرێبەستە حكومییەكان، هەروەها ئەنجومەن ڕەزامەندی دەربڕی لەسەر تەرخانكردنی بڕی (3.5) ملیار دینار بۆ پارێزگای دیالە لە یەدەگی فریاكەوتن، بە پشتبەستن بە یاسای بودجەی گشتی فیدراڵی، بە مەبەستی نۆژەنكردنەوەی دەروازەی سنووری مونزرییە، وەك ئامادەكارییەك بۆ وەرگرتنی سەردانكەر ، و ڕێگەدان بە پارێزگای دیالە كە دەسەڵاتی جێبەجێكردنی ڕاستەوخۆی هەبێت بۆ مەبەستی جێبەجێكردنی پڕۆژەكە، و (پڕۆژەی دروستكردنی دەروازەی سنووری نوێی مونزرییە) لەخۆدەگرێت لە چوارچێوەی تەرخانكردنی پارێزگای دیالە لە سندوقی ئاوەدانكردنەوەی پارێزگا ئازادكراوەكان.
راشیگەیاند: لەم ڕووەوە و بەمەبەستی سود وەرگرتن لە ئەزمونی دەستەی باڵای حەج و عومرە لە پرۆسەكانی ناردنی وەفد و وەفدی پێچەوانە؛ ئەنجومەن ڕەزامەندی دەربڕی لەسەر ئەمانەی خوارەوە:
1. ڕێگەدان بە دەستە بۆ گرێبەستكردن لەگەڵ كۆمپانیا تایبەتەكانی گواستنەوە بە مەبەستی بەكرێدانی (2000) پاس، وەك ئیستسنایەك لە ڕێنماییەكانی جێبەجێكردنی گرێبەستەكانی حكومەت ژمارە (2)ی ساڵی 2014، و ئەو كۆنتڕۆڵانەی هاوپێچكراون لەگەڵیدا بە مەبەستی گواستنەوەی سەردانكەرانی ئیمام حسێن (سەلامی خوای لەسەر بێت) لەكاتی سەردانی چلەداو وەزارەتی دارایی بڕی پێویست لە بودجەی نوسینگەی سەرۆك وەزیران تەرخان دەكات.
2. كەمكردنەوەی ڕێژەی باجی ڕاگیراو لە كۆمپانیاكانی گواستنەوەی گرێبەستكراو لەسەر گرێبەستە ئەنجامدراوەكان لە (3%) بۆ (1%)، بەپێی ئەو دەسەڵاتەی كە بە وەزارەتی دارایی دراوە.
3. پەسەندكردنی ئەو گەرەنتیانەی كە بۆ دەستەی باڵای حەج و عومرە لەلایەن ئەو كۆمپانیایانەوە كە گرێبەستیان لەگەڵ دەكرێت، بەپێی ئەو میكانیزم و ڕێكارە بنەڕەتیانەی كە دەستە بۆ مەبەستی گرێبەستكردن پەیڕەوی لێدەكات.
4. پەسەندكردنی پسوڵەی بەشداریكردن بۆ ئەو كۆمپانیایانە كە گرێبەستیان لەگەڵدا دەكرێت لە فەرمانگەی كار و دەستەبەری كۆمەڵایەتی.
5- دەستەی باڵای حەج و عومرە بەرپرسیارە لە ڕەوایی و سەلامەتی ڕێكارەكانی گرێبەست، هەروەها نوسینگەی سەرۆك وەزیران لیژنەكان پێكدەهێنێت بۆ بەدواداچوون و چاودێریكردنی میكانیزمی كاركردن.
بەیاننامەكە ئاماژەی بۆ ئەوەشكردووە: بەمەبەستی پەرەپێدانی كارەكانی سیستەمی ئاسمانی عێراق و بەرزكردنەوەی ئاستی كاراییەكەی، ئەنجومەن ڕەزامەندی دەربڕی لەسەر بەخشینی كۆمپانیای گشتی بۆ بەڕێوەبردنی فڕۆكەخانە و كەشتیوانی ئاسمانی لە شێوازی گرێبەستكردن و ڕێنماییەكان بۆ جێبەجێكردنی گرێبەستە حكومییەكان (2ی ساڵی 2014)، لە جێبەجێكردنی پڕۆژەكاندا پەیوەست بە پەرەپێدانی ژێرخانی ئامێرە تایبەتەكان بۆ سیستەمی بەڕێوەبردنی هاتوچۆی ئاسمانی، ڕادار، ڕێنمایی ئاسمانی و سیستەمی نیشتنەوەی ئۆتۆماتیكی، پەیوەندییەكان بۆ هاتوچۆی ئاسمانی و سیستەمی ئاسایشی ئەلیكترۆنی، هەروەها ئەوەی پەیوەندیدارە بە دووبارە داڕشتنەوەی ڕێڕەوی ئاسمانی عێراق، بەستنەوەیان بە تۆڕی جیهانی وڵاتانی دراوسێ، گۆڕینی سیستەمی گەشتیاری لە عێراق، و كەمكردنەوەی جیاكردنەوەی درێژخایەنی نێوان فڕۆكەكان، كە بەشدارە لە زیادكردنی چڕی جوڵەی فڕۆكەكان لە ئاسمانی عێراقدا، زۆرترین سەرچاوەی كۆمپانیاكە دەكات.
رونیشیكردەوە: ڕەزامەندی لەسەر ئەوە درا كە وەزارەتی پەروەردە بەشێوەیەكی ڕاستەوخۆ گرێبەست لەگەڵ تۆڕی ڕاگەیاندنی عێراقی و ماڵی كاروباری ڕۆشنبیری لە وەزارەتی ڕۆشنبیری بكات، بۆ تەواوكردنی چاپكردنی پرۆگرامی خوێندنی ئەنجومەن بەهەمان شێوە ڕێگەی بە وەزارەت داوە لە بیناسازی و نیشتەجێكردن و شارەوانی و كارە گشتیەكان بۆ هەڵبژاردنی شێوازی ڕێككەوتنی گونجاو، وەك ئیستسنایەك لە ڕێنماییەكانی جێبەجێكردنی گرێبەستە حكومییەكانی ژمارە 2ی ساڵی 2014) بە مەبەستی چاككردنەوەی منارەی مزگەوتی خەلیفەكان.
هەر لە بەیاننامەكەدا هاتووە، رەزامەندی درا كە دەزگای ناوەندی بۆ كوالێتی كۆنترۆڵ  بەپێی بڕگەكانی مادەی حەوتەمی ڕێنمایی ژمارە (1ی ساڵی 2023)، بڕگەكانی ئاسانكاری بۆ جێبەجێكردنی یاسای بودجەی گشتی فیدراڵی، سەبارەت بە كڕین و ئامادەكردنی تاقیگەكان بەو  ئامێر و پێداویستییە تاقیگەییانەی كە پێویستن بۆ كاركردنی ئامێرەكە، بە پشتبەستن بەو ڕێنماییانەی پێشتر باسكراون.