ئاگرێکی گەورە لە شاری بورسای تورکیا کەوتەوە
جیهانی
- 23-07-2024, 16:00
بەدواداچون-INA
ئەمڕۆ سێشەممە،ئاگرێکی گەورە لە کارگەیەکی کاغەز لە ناوچەی " فەقفکۆی" لە شاری بورسای تورکیا کەوتەوە.
میدیاکانی تورکیا بڵاویانکردەوە :- کە ئاگرەکە بەخێرایی تەشەنەیکردووە بۆ نزیک 4 کارگەی کاغەز و قوماش و بۆلیستێرین.
ئەوەش خراوەتەروو :- کە چەند تیمێکی ئاگرکوژێنەوە ڕەوانەی شوێنی ڕووداوەکە کراون، هەلیکۆپتەری ئاگرکوژێنەوەش بۆ پاڵپشتی ئاسمانی بەکارهێنراوە بەمەبەستی کۆنترۆڵکردنی ئاگرەکە.
ئاماژەش بەوەدراوە :- کە بەهۆی مەترسی بڵاوبوونەوەی ئاگرەکە، ماڵەکانی دەوروبەری کارگەکان وەک ڕێکارێکی خۆپارێزی چۆڵکراون ،و دۆخەکە نیگەرانییەکی زۆری لای دانیشتوانی ناوچەکە دروستکردووە.
هەر بەپێی زانیارییەکان تا ئێستا هۆکارەکانی ئاگرکەوتنەوەکە دیاری نەزانراوە ، بەڵام لێکۆڵینەوەکان بۆ ڕووداوەکە بەردەوامە لەلایەن دەسەڵاتدارانەوە ، هەروەها بە چڕی کاردەکرێت بۆ سنووردارکردنی ئاگرەکە و دڵنیابوون لە سەلامەتی ژینگەی ناوچەکە.
