میدیای حكومی: تەواوكردنی 350 قوتابخانەی نمونەیی نوێ
ناوخۆ
- 21-07-2024, 19:28
بەغدا - INA - ئامنە سەلامی
ئەمڕۆ یەكشەممە تیمی ڕاگەیاندنی حكومەت تەواوكردنی 350 قوتابخانەی نمونەیی لە كۆی گشتی هەزار قوتابخانەی نوێ لە بەغدا و پارێزگاكان لە چوارچێوەی ڕێككەوتنی عێراق و چین ڕاگەیاند.
وتەبێژی تیمی ڕاگەیاندنی حكومی حەیدەر مەجید بە ئاژانسی هەواڵی عێراقی (INA)ی ڕاگەیاند: ژمارەی ئەو قوتابخانە نمونەییانەی كە لە چوارچێوەی ڕێككەوتنی چینیدا تەواوبوون گەیشتە (350) قوتابخانەی نوێ و ئاماژەی بەوەشكرد ژمارەی ئەو قوتابخانەیانەی كە هێشتا لە قۆناغی دروستكردندایە گەیشتە (650) قوتابخانە.
ئاماژەی بەوەشكرد : ئەو قوتابخانانە لەنێو ئەو هەزار قوتابخانەیەدان كە لە چوارچێوەی ڕێككەوتنی عێراق و چیندا دەستیانپێكردووە، كە لە پارێزگا جیاجیاكان دادەمەزرێنن، ئاماژەی بەوەشكرد: وەزارەتی پەروەردە وەك بەشێك لە هەوڵەكانی نۆژەنكردنەوەی بینای قوتابخانەكان كە ساڵی ڕابردوو دەستی پێكرد، چوار هەزار قوتابخانەی نۆژەن كردەوە تا ئێستا بە پێداویستی جۆراوجۆری پێویست ئامادە كردووە.
