دوای تەواو کردنی خوێندنەوەی کۆتایی بۆ چوار پرۆژە یاسا ئەنجومەنی نوێنەران دانیشتنی ئەمرۆی بۆ سبەی یەکشەممە هەڵگرت
سیاسی
- 20-07-2024, 20:53
بەغدا-iNA
ئەنجومەنی نوێنەران دانیشتنی ئەمرۆ شەممەی بۆ سبەی یەکشەممە هەڵگرت.
فەرمانگەی ڕاگەیاندنی ئەنجومەن لە ڕاگەیەندراوێکدا ، کە بۆ ئاژانسی هەواڵی عێراقی (INA) ناردوویەتی، تیایدا هاتووە:- ئەنجوومەنی نوێنەران خوێندنەوەی یەکەمی بۆ ڕەشنووسی یاسای هەمواری یەکەمی یاسای ژمارە (2)ی ساڵی 2016 دەزگای شەهیدان تەواوکرد.
وەک ڕاگەیەندراوەکە ئاماژەی پێداوە:- لەدرێژەی دانیشتی ئەمرۆی ئەنجومەنی نوێنەران خوێندنەوەی یەکەمی بۆ ڕەشنووسی یاسای پەسەندکردنی ڕێککەوتنی خزمەتگوزارییە ئاسمانییەکانی نێوان حکومەتی عێراق و ئازەربایجانی تەواوکرد، هەروەها لە دانیشتنەکەدا کۆتایی هات بە خوێندنەوەی ڕاپۆرت و گفتوگۆ لەسەر ڕەشنووسی یاسای دەزگای هەواڵگری نیشتمانی.
هەر بەگوێرەی ڕاگەیەندراوەکە :- ئەنجومەنی نوێنەران گفتوگۆی لەسەر یاسای پێشنیارکراوی هەموارکردنی یەکەمی یاسای پاسپۆرت ژمارە (32)ی ساڵی 2015ی تەواوکردووە.
