تیمی ڕاگەیاندنی حکومەت: ڕێنمایی دراوە کە پارەدان لە فرۆشگا و کلینیک و دەرمانخانە و دوکان ناوەندە بازرگانیەکان ببێتە ئەلیکترۆنی

بەغدا -  INA - نور زەیدی
ئەمڕۆ شەممە تیمی ڕاگەیاندنی حكومەت ڕێنماییە بەردەوامەكان و بەدواداچوونەكانی حكومەتیان ڕاگەیاند بۆ ئەوەی سەرجەم ناوەندە بازرگانییەكان، دەرمانخانەكان، نۆرینگە پزیشكییەكان، فرۆشگاكان، و فرۆشگاكانی پەیوەست بە سیستەمی پارەدانی ئەلیكترۆنی بگرێتەوە.
وتەبێژی تیمەكە حەیدەر مەجید بە ئاژانسی هەواڵی عێراقی (INA)ی ڕاگەیاند: دامەزراوە فەرمییەكان بەردەوامن لە جێبەجێكردنی بڕیارەكانی ئەنجوومەنی وەزیران و ڕێنماییەكانی محەمەد شیاع سودانی سەرۆكی ئەنجومەنی وەزیران سەبارەت بە پرۆسەی دۆسەی گۆڕینی دیجیتاڵی لە پارەی ئەلیكترۆنیدا  كە یەكێكە لە گرنگترین ئەولەویەتەكانی بەرنامەی حكومەت.
ووتیشی : پرۆسەی پارەدانی ئەلیكترۆنی لە 10 بەنزینخانەی حكومی لە بەغدای پایتەخت دەستیپێكرد، لە نێوان كەرخ و ڕەسافە دابەشكراوە، دواتر كارەكە فراوانتر بوو بۆ سەرجەم وێستگەكانی پڕكردنەوەی سووتەمەنی لە پارێزگاكانی عێراق، دوای ئەوە سەرجەم  وێستگەكانی پڕكردنەوەی سووتەمەنی  ئەهلی لەخۆگرت.
سەبارەت بە دامودەزگا فەرمییەكان مەجید جەختی لەوە كردەوە : كە زۆربەی ئەو دامەزراوانەی خزمەتگوزاری پێشكەش دەكەن و پەیوەندی ڕاستەوخۆیان لەگەڵ هاووڵاتیان هەیە، بە سیستەمی پارەدانی ئەلیكترۆنی كاردەكەن، سەرەتا لە بەرێوەبەرایەتی پاسپۆرت، ڕەگەزنامە، و باری شارستانییەوە دەست پێدەكات، دواتر دامەزراوەكانی وەزارەتی تەندروستی، نۆرینگەكانی میللی و پاشان باقی دامەزراوە كارپێكردنەكان بە یەكەوە.
ئاماژەی بەوەشكرد : رێنمایی بەردەوام هەیە لەلایەن حكومەتەوە و بەدواداچوون لە نێوان بانكی ناوەندی عێراق و وەزارەتی دارایی و باقی دامەزراوە فەرمییەكان هەیە، بۆ ئەوەی فرۆشگای تایبەت، دەرمانخانە، نۆرینگەی پزیشكی، فرۆشگا بازرگانییەكان، و بازاڕەكان لە مۆڵەكاندا، لەدۆسیەی پارەدانی ئەلیكترۆنیدا و جەختیشی لەوە كردەوە كە كاركردن لەم بارەیەوە بەردەوامە.