دووبرا لەسەر ئاستی وڵاتانی رۆژئاوای ئاسیا لە یاری جۆدۆ وەک نوێنەری عێراق پلەی سێییەمیان بەدەست هێنا

وەرزش

18-07-2024, 19:22

+A -A

هەولێر -INA
رۆژی 15 بۆ 20 /7 ،پاڵەوانیەتی جۆدۆ بۆ ناگینۆ کاتا لەسەر ئاسیی وڵاتانی رۆژئاوایی ئاسیا،لەشاری عەممانی وڵاتی ئوردن بەڕێوەچوو.
بەپێی بەدواداچوونی ئاژانسی هەواڵی عێراقی (INA)، هەردوو یاریزانی کوردی بەناوبانگی دانیشتوی شاری هەوڵێر (عەبدولسەبور سابر ، عەبدولشەکور سابر) کە بران وەک نوێنەری عێراق بەشداریان لە پاڵەوانیەتەکە کرد .
لەوبارەیەوە (ئادەم سابر) یەکێک لەو ڕاهێنەرانەی کە ماوەیەکی زۆرە مەشقی پێکردوون،هاوکات برای هەردوو پاڵەوانەکەیە، بە ئاژانسی هەواڵی عێراقی (INA) راگەیاند :- لە پاڵەوانیەتی ڕۆژئاوای ئاسیا 11 وڵات بەشدار بوون ، کە لەنێو وڵاتانی عەرەبی هەریەک لە وڵاتانی ( عێراق و لوبنان و یەمەن و کوێت و فەلەستین و قەتەر و سوریاو بەحرەین و سعوودیاو ئیمارات و ئوردن ) لەخۆگرتبوو ، عێراق توانی پلەی سێیەم بەدەست بهێنێت و هەریەک لە سعودیا پلەی یەکەم و ئیماراتی عەرەبی پلەی دووەمی پاڵەوانەیەتیەکەیان برد .