لە ویلایەتی بینسیلڤانیا لەکاتی ووتاری بۆ لایەنگرانی ترامپ تەقەی لێکرا
جیهانی
- 14-07-2024, 11:45
بەدواداچون -INA
میدیاکانی ئەمریکا بڵاویانکردەوە کە هەوڵێک بۆ تیرۆرکردن "دۆناڵد ترەمپ" سەرۆکی پێشووی ئەمریکا هەبووە.
میدیا ئەمریکییەکان بڵاویانکردەوە : کە "ترەمپ " لەکاتی ووتاردانی بۆ لایەنگرانی بۆ پرسی هەڵبژاردن لە ویلایەتی بێنسیلڤانیا وتارەکەی کورتکردەوە، دوای ئەوەی لەکاتی وتاردانەکەیدا تەقەی لێکرا و لە نێوان ئاسایشێکی توندا گردبوونەوەی لایەنگرانی بەجێهێشت.
هاوکات دوای ڕووداوەکە "کیڤن ڕۆجیک" لە نووسینگەی ئێف بی ئای لە شاری باتلەر لە ویلایەتی بینسیلڤانیا بە ڕۆژنامەنووسانی راگەیاند : ئێوارەی ئەمڕۆ، هەوڵێکی تیرۆرکردن لە دژی دۆناڵد ترەمپ سەرۆکی پێشوومان هەبوە، بەمەش FBI پشتڕاستی دەکاتەوە کە "هەوڵێکی تیرۆرکردن هەبووە لە دژی دۆناڵد ترەمپ.
