وەزارەتی گواستنەوە: داهاتی هێڵی ئاسمانی عێراقی بە بەڕێژەی 89% زیادی کردوە
ناوخۆ
- 12-07-2024, 21:00
بەغدا-INA
ئەمڕۆ هەینی،کۆمپانیای گشتی هێڵی ئاسمانی عێراقی، زیادبوونی داهاتی بەڕێژەی سەدا 89ی ڕاگەیاند،دووپاتیشی دەکاتەوە کە پاڵپشتی ڕاستەوخۆ و بەردەوامی "محەمەد شیاع سودانی"سەرۆک وەزیران،بۆتە هۆی گۆڕینی واقیعی هێڵی ئاسمانی و دروستکردنی گۆڕانکاری جەوهەری.
"مەناف عەبدولمونەعیم" بەڕێوەبەری گشتی کۆمپانیاکە،بە ئاژانسی هەواڵی عێراقی (INA)ی ڕاگەیاند: بە پاڵپشتی ڕاستەوخۆ و بەردەوامی حکومەت، و خودی "محەمەد شیاع سودانی"سەرۆک وەزیران، و ڕێنمایی و بەدواداچونی بەردەوام لەلایەن "ڕەزاق موحیبس"گۆڕانکاری جەوهەری دروستکردووە و بۆتە هۆی گۆڕینی واقیعی هێڵی ئاسمانی عێراق لە نێوان ساڵی ڕابردوو و ئێستادا
"مەناف عەبدولمونەعیم" ووتیشی :- داهاتی بەدەست هێنراو لە هێڵی ئاسمانی عێراقی بە بەڕێژەی 89% زیادی کردوە،ئەمەش ئاماژەیە بۆ ئەوەی کە هێڵی ئاسمانی دەیەوێت بە شێوەیەکی دروست بەرەوپێش بچێت و ڕکابەری کۆمپانیاکانی دیکەی جیهانی بکات.
