بۆ ئاسانکاری هاتنە ژوورەوەی سەردانکەران وەزیری ناوخۆ بارەگایەکی هاوبەش لە نێوان عێراق و ئێران ڕادەگەیەنێت

بەغدا-INA
ئەمڕۆ هەینی"عەبدولئەمیر شەمەری" وەزیری ناوخۆ، پێکهێنانی بارەگایەکی هاوبەشی کۆنترۆڵکردنی لە نێوان عێراق و ئێران ڕاگەیاند،بەمەبەستی ئاسانکاری بۆ هاتنەناوەوەی سەردانیکەران.
"شەمەری"لە کۆنگرەیەکی ڕۆژنامەوانی هاوبەشدا لەگەڵ "ئەحمەد واحیدی " هاوتا ئێرانییەکەی،کە ئاژانسی هەواڵی عێراقی (INA) ئامادەی ڕووماڵکردنی بوو ،ڕایگەیاند، لە ماوەی دوو ڕۆژی ڕابردوودا،و بە پشتبەستن بە ئامادەکارییە بەردەوامەکانی لایەنی عێراقی و ئێرانی، هەبوونی چاودێری  مەیدانی و سەردانی بەردەوام بۆ دەروازە سنوورییەکانی نێوان هەردوو وڵات،ڕێککەوتن لەسەر هەموو پلان و ڕێکارەکان هەبووە لەگەڵ لایەنی ئێرانی سەبارەت بەو ڕێکارانەی کە لە کاتی سەردانیکەران لە  مانگی موحەڕەمی پیرۆز  و چلەدا جێبەجێ دەکرێن.
ڕاشیگەیاند:-کە ڕێوشوێنەکان بریتین لە دەستەبەرکردنی پاراستنی سنوور لە دەروازەکانی مونزوریە و زرباتیە و شەیب و شەلامچە،هەروەها دەستەبەرکردنی ئاسایشی ڕێگای ناوچەکە.
ووتیشی:- ڕێککەوتن لەسەر ئەو خزمەتگوزارییانە کراوە کە لەلایەن وەزارەتی تەندروستی و گواستنەوە و دەزگاکانی ترەوە پێشکەش دەکرێت،هەروەک رێککەوتن لەسەر پێکهێنانی بارەگای هاوبەشی  کۆنترۆڵکردن لەنێوان عێراق و ئێران بۆ ئاسانکاری چوونە ناوەوە و گواستنەوەی سەردانکەران،جا چ هاتنە ناوەوە بەرەو کەربەلای پیرۆز بێت یان گواستنەوەی پێچەوانە.
"شەمەری" لە درێژەی قسەکانیدا ووتیشی:- هەموو ئەو ڕێوشوێنانەی کە گیراونەتەبەر تەندروستن، و پارێزگارەکانی دیالە و واست و میسان ئامادەبوونە و ئەمڕۆش لە پارێزگای بەسراین بۆ ئەوەی لە رێکارە حکومەتە خۆجێیەکان ئاگاداربین .