سەرۆكی حكومەتی هەرێم پێشوازی لە ڕاوێژكاری ئاسایشی نیشتمانی عێراق دەكات

سیاسی

11-07-2024, 17:19

+A -A

هەولێر - INA
ئەمڕۆ پێنجشەممە، مەسرور بارزانی سەرۆكی حكومەتی هەرێمی كوردستان پێشوازی لە قاسم ئەعرەجی ڕاوێژكاری ئاسایشی نیشتمانی عێراق كرد.
نوسینگەی راگەیاندنی سەرۆكی حكومەتی هەرێم لە راگەیەنراوێكدا كە بۆ ئاژانسی هەواڵی عێراقی ناردووە، دەڵێت: مەسرور بارزانی سەرۆكی حكومەتی هەرێمی كوردستان پێشوازی لە قاسم ئەعرەجی ڕاوێژكاری ئاسایشی نیشتمانی عێراق كرد.
لە كۆبوونەوەكەدا بیروڕا لەبارەی دوایین گۆڕانكاری و پەرەسەندنەكانی بارودۆخی ئەمنیی عێراق بەگشتی ئاڵوگۆڕ كرا و جەخت لە پەرەپێدانی هاریكاری و هەماهەنگیی نێوان حكومەتی هەرێمی كوردستان و حكومەتی فیدراڵ بۆ ڕووبەڕووبوونەوەی مەترسی و هەڕەشەكانی تیرۆر و پاراستنی ئاسایشی و سەقامگیری ناوچە سنوورییەكان كرایەوە.
لە تەوەرێكی دیكەی كۆبوونەوەدا، هەردوولا هاوڕابوون لەسەر گرنگیی جێبەجێكردنی ڕێككەوتننامە شنگال و ئاساییكردنەوەی دۆخی دەڤەرەكە.