عەبادی لە ساڵیادی ئازادكردنی موسڵدا: هەركەسێك گرەو لەسەر پرۆژەكانی  تیرۆر و دابەشبوون بكات دۆڕاوە

بەغداد - INA
ئەمڕۆ چوارشەممە، سەرۆكی هاوپەیمانی نەسر حەیدەر عەبادی تەئكیدیكردەوە: گرەوكردن لەسەر توندوتیژی خوێناوی و تیرۆری دڕندانە و پیلانگێڕی پشتیوانیكراو گرەوێكی شكستخواردووە لە دژی نیشتمانپەروەری عێراقییەكان.
عەبادی لە پۆستیكیدا لە پلاتفۆرمی (X) كە ئاژانسی هەواڵی عێراقی بەدواداچوونی بۆ كردووە، رایگەیاند: لە ڕۆژێكی وەك ئەمڕۆدا (10ی تەمموزی 2017)، ڕزگاركردنی شاری موسڵمان لە ئیختیسابی داعش ڕاگەیاند، و ئەو لاپەڕە ڕەشەمان وەرگێڕا كە تۆماری عێراقی لەكەدار كرد.
ئاماژەی بۆ ئەوەشكرد: لەم ڕۆژەدا ئاڵای عێراقمان بەرزكردەوە و پرۆژەی تاریكی و بەربەرییەتمان خستە خوارەوە و سەلماندمان كە گرەوكردن لەسەر توندوتیژی خوێناوی و تیرۆری دڕندە و پیلانگێڕی پشتیوانیكراو گرەوێكی شكستخواردووە لە دژی نیشتمانپەروەری بەرزی عێراقییەكان و ئیرادەی بەرزیان.
عەبادی دڵێت: لەم ڕۆژەدا پیرۆزبایی ساڵیادی سەركەوتنی ڕوون و ئاشكرای عێراقییەكان دەكەم، هەروەها ڕەحمەت دەنێرم بۆ رووحی شەهیدە ڕاستگۆكان، هەروەها نەفرەت و ڕسوایی ئەبەدی بۆ داعش و ئەو كەسانە نوێ دەكەمەوە كە پاڵپشتی و پشتیوانیان كرد، ئەوانەی وەك ئەسپی تەروادە لە نێو هێزە تەماعكارەكانی عێراقدا وەریانگرتبوو.
وتیشی: مرۆڤ پێش ئەوەی خۆشگوزەرانی بزانێت تووشی ناخۆشی دەبێت و هەركەسێك گرەو لەسەر پڕۆژەی توندوتیژی و تیرۆر و دووبەرەكی و ئاژاوە بكات دۆڕاوە و گرەوەكەی دۆڕاندووە.