مەندەلاوی: مافی شەهیدانی دەزگا ئەمنییەكان لە شەڕەكانی دژە تیرۆر لە ئەولەویەتەكانی دەسەڵاتی یاسادانانە
سیاسی
- 10-07-2024, 14:11
بەغدا - INA
ئەمڕۆ چوارشەممە، موحسین مەندەلاوی، سەرۆكی ئەنجومەنی نوێنەران بە وەكالەت، پشتڕاستیكردەوە كە مافی شەهیدانی دەزگا ئەمنییەكانمان كە لە كاتی شەڕەكانی دژە تیرۆردا ژیانی شەرەفمەندانەیان بەختكرد، لە یەكەمایەتییەكانی ئەركەكانی دەسەڵاتی یاسادانانە.
مەندەلاوی لە راگەیندراوێكدا، بەبۆنەی ساڵیادی ڕزگاركردنی شاری موسڵ لە تیرۆر، كە بۆ ئاژانسی هەواڵی عێراقی (INA) نێردراوە تێیدا هاتووە:"ئەم بۆنەیە، كە بۆ دڵی عێراقییەكان و هەموو مرۆڤە ئازادەكانی جیهان، بەبێ قوربانیدانی گەورەی قارەمانە شەڕكەرەكانمان لە پێكهاتەكانی بەرگری و ناوخۆ و حەشی شەعبی و هێزەكانی پێشمەرگە و هەموو دەزگا ئەمنییەكانی تر بەدەست نەدەهات".
مەندەلاوی وتیشی" مافی شەهیدانی دەزگا ئەمنییەكانمان كە لە كاتی شەڕەكانی شكستپێهێنانی تیرۆردا گیانی شەرەفمەندانەیان بەخت كرد لە ئەولەویەتی ئەركەكانی دەسەڵاتی یاسادانان بەو پێیەی گرنگترین پایەی پێشكەوتنی دەوڵەتی ئەو وڵاتە دامەزراوەكان".
