تەندروستی کەربەلای پیرۆز وردەکاریەکانی پلانی تایبەت بە یادی عاشوڕا ڕادەگەیەنێت

به‌غدا-INA

کەربەلای پیرۆز /INA ـ عەباس ڕەحیمی
فەرمانگەی تەندروستی کەربەلای پیرۆز ئەمڕۆ ڕۆژی دووشەممە وردەکاریەکانی پلانی فریاکەوتنی تایبەت بە سەردانیکردنی عاشورا ڕاگەیاند.
بەڕێوەبەری گشتی فەرمانگەکە سەباح موسەوی لەبەیاننامەیەکدا کە ئاژانسی هەواڵی عێڕاقی وەریگرتووە  وتی بەفەرمانی وەزیری تەندروستی ساڵح حەسناوی و پارێزگاری کەربەلای پیرۆز نسەیف خەتابی ، فەرمانگەی تەندروستی سەرجەم ڕێکارەکانی ئامادەگی بۆ جێبەجێکردنی پلانی فریاکەوتنی تایبەت بە سەردانی عاشورا تەواوکردووە، دام ودەزگا تەندروستیەکان بەگشتی لەلایەن ژووری ئۆپەراسیۆنەکانەوە بەڕێوەدەبرێن کە ئەوانیش بەدەوری خۆیان هەماهەنگی دەکەن لەگەڵ وەزارەت و حکومەتی خۆجێیی و سەرجەم فەرمانگە خزمەتگوزاریەکان وهەردوو ئاستانەی پیرۆز وفەرمانگە تەندروستیەکانی پارێزگاکانی دەوروبەر.
موسەوی وتیشی فەرمانگەکە 100 ئەمبولانسی پڕلەداوودەرمان بەهەموو پێداویستیەکانی دیکەوە ئامادەکردووە و لە سەرڕێگاوبانەکاندا خستویەنیەتە  باری ئامادەباشیەوە لە ناوچە قەرەباڵغەکاندا بەتایبەتی لەکاتی ڕاکەکەی توێڕیج ، جگەلەوەش 8 نەخۆشخانەی حکومی و 4 ئەهلیش لەژێر فەرمانی فەرمانگەی تەندروستیدا دەبن بۆ پێشوازیکردن لە نەخۆشان، هەروەها 3 سەنتەری پزیشکی بۆ قەرەباڵغیەکان لەناوجەرگەی شارەکۆنەکەو 10 تیمی پزیشکیش ئامادەکراون لەوانە سەنتەری سەیدەزەینەبی مەزن سەلامی خودای لێبێت، کەپسپۆڕێتی لە نەشتەرگەری چاو هەیەو سەرجەم پێداویستیەکانیشی بۆ دابینکراوە.
هەروەها 30 تیمی تەندروستی بۆ چاودێریکردنی ئاوی خواردنەوەو خۆراکەمەنیەکان تەرخان کراون و25 تیمی خێراش پێکهێنراون بۆ پێشکەشکردنی خزمەتگوزاری بەسەردانیکاران.
هەروەها موسەوی جەختیلەوە کردەوە کە پێویستە سەردانیکاران پابەند بن بە خۆپارێزی و ڕانماییە تەندروستیەکان و ڕەچاوکردنی پاک وخاوێنی و دوورکەوتنەوە لە تاوی خۆر بەڕاستەوخۆ وخواردنەوەی ئاو بەبەردەوامی تاکو ساغ وسەلامەت بن وژیانیان پارێزراوبێت.