كاتی خۆ كاندیكردن بۆ پەرلەمانی كوردستان درێژكرایەوە
ناوخۆ
- 3-07-2024, 12:48
هەولێر –INA
كۆمیسیۆنی باڵای هەڵبژاردنەكان لە عێراق، كە سەرپەرشتی هەڵبژاردنی كوردستان دەكات، ئەمڕۆ رایگەیاند، بۆ ماوەی 11 رۆژی دیكە پێشكەشكردنی تۆماری حزب و هاوپەیمانیەتییەكان بۆ هەڵبژاردنی خولی شەشەمی پەرلەمانی كوردستان درێژكرایەوە.
كۆمیسیۆنی باڵای سەربەخۆی هەڵبژاردنەكان لە راگەیندراوێكدا كە بۆ ئاژانسی هەواڵی عێراقی (IAN) نێردراوە تێیدا هاتووە" دەرگای خۆپاڵاوتن بەڕووی بەربژێرانی لیستی هاوپەیمانان و پارتەكان و بەربژێرانی تاك و كۆتاكان كراوەتەوە هەر لە 4ی تەمموز تاوەكو 15ی هەمان مانگ".
جێگای باسە ، بڕیار واییە كە هەڵبژاردنی پەرلەمانی كوردستان لە 20 ی تشرینی یەكەمی ئەمساڵ بەڕێوەبچێت و كۆمسیۆنی هەڵبژاردنەكانیش هەوڵەكانی چڕكردووەتەوە بۆ تەواوكردنی ئامادەكارییەكانی.
