کۆدەنگییەکی نیشتمانی بۆ پشتیوانی لە دەسەڵاتی دادوەری عێراق هەیە و هەر زیانگەیاندنێک بە ڕەمزەکانی عێراق ڕەتدەکرێتەوە

بەغدا -INA
پەرلەمانتاران و شارەزایانی سیاسی و یاسایی ڕەخنە  لە هەولێکی کۆنگرێسی ئەمریکا دەگرێن لە دژی دەسەڵاتی دادوەری عێراقی، هەروەک بە دەستێوەردانێکی ئاشکرا دەزانن کە پێویستی بە وەڵامدانەوەی دیپلۆماسی و یاسایی هەیە ، هاوکات پشتیوانی خۆیان بۆ دەسەڵاتی دادوەری نیشان دەدەن لە سەربەخۆیی و بێلایەنی،ڕاشیدەگەینن کە ئەو هەوڵانەی  "مایک وا ڵتز " نوێنەری کۆنگرێس پێشێلکارییەکی ئاشکرای یاسا نێودەوڵەتییەکانە.

سەرۆکایەتی پەرلەمان ئیدانەی ئەو تۆمەتانە دەکات:- 
لەوبارەیەوە "موحسین مەندەلاوی" سەرۆکی ئەنجومەنی نوێنەران بە وەکالەت،رایگەیاند :- پرۆژەکەی کۆنگرێسمانی ئەمریکا دژی سەرۆکی دەسەڵاتی دادوەری پێشینەیەکی مەترسیدارە و کاریگەری لەسەر سەروەری عێراق هەیە.
نووسینگەی ڕاگەیاندنی سەرۆکی ئەنجومەنی نوێنەران بەوەکالەت لە ڕاگەیەندراوێکدا  کە بۆ ئاژانسی هەواڵی عێراقی (INA) ناردوویەتی،تیایدا هایووە:- ئەوەی لەلایەن میدیای ئەمریکییەوە بڵاوکرایەوە سەبارەت بە پێشکەشکردنی پرۆژەیەک لەلایەن  "مایک والتز " ئەندامی کۆنگرێسی کۆمارییەکان بە  هەموارکردنەوەی ڕەشنووسی یاسایەک و هێنانە ناوەوەی بڕگەیەک کە کاریگەری لەسەر سەرۆکی ئەنجومەنی باڵای دادوەری عێراق هەیە، ئەمەش پێشینەیەکی مەترسیدارە بۆ کارەکانی حکومەتەکەی "جۆ بایدن " کە بە ئاشکرا پشتگیری لە کۆمەڵکوژی چەتەکانی زایۆنی دژ بە خەڵکی غەززە کە ئەنجامیدراوە دەکات و ئەمڕۆش هەڕەشەی هێرشکردنە سەر سەروەری دەوڵەتان و ڕەمزەکانیان دەکات بەبێ بوونی پاساوێکی یاسایی کە ڕێگەی پێبدات.
بەگوێرەی ڕاگەیەندراوەکە "مەندەلاوی " داوای لە وەزارەتی دەرەوە کردووە ڕێگا دیپلۆماسییەکانی خۆیی جولە پێبکات و پەیامێکی ڕاستەوخۆی عێراق بگەیەنێت کە ڕەتکردنەوەیە،بۆ ئەو پرۆژەیەی کە لە کۆنگرێسمانی ئەمریکییەوە هاتووە،هەروەک جەختی لەوە کردەوە کە عێراق وڵاتێکی خاوەن سەروەرییە، پەیوەندییەکانی لەگەڵ هەموو وڵاتان لەسەر بنەمای ڕێزگرتنی یەکتر بنیات نراوە.
مەندەلاوی لە ڕاگەیەندراوەکەدا ئەوەش دەخاتەروو :- کە ئەگەر ئەو ڕەشنووسە بڕیارە لەلایەن نوێنەری کۆمارییەکانەوە پێشکەشی کۆنگرێس بکرێت، و پەسەند بکرێت،دۆخێکی مەترسیدار دێنێتە ئاراوە بە جۆرێک  کاریگەری لەسەر سروشتی پەیوەندییە دووقۆڵییەکانی نێوان هەردوو وڵات دەبێت.

وەزارەتی دەرەوە ئیدانەی ئەو تۆمەتانەدەکات :- 
هەروەک،وەزارەتی دەڕەوه لێدوانی نوێنەڕێکی کۆنگرێسی ئەمریکا لەدژی سەڕۆکی ئەنجومەنی باڵای دادوەری ڕەتدەکاتەوە .
وەزارەتی دەرەوە لە ڕاگەیەندراێکدا کە بۆ ئاژانسی هەواڵی عێراقی (INA) ناردوویەتی،تیایدا هاتووە:-وەزارەتی دەرەوە لێدوانی( مایک والتز) ئەندامی کۆنگرێسی ئەمریکا بەرامبەر بە "دادوەر فایق زەیدان " سەرۆکی ئەنجومەنی باڵای دادوەری کردوویەتی ڕەتدەکاتەوە.
هەروەک وەزارەت،ئەو پێشێلکارییەی لەم لێدوانانەدا بۆسەر کەسایەتی سەرۆکی ئەنجومەنی دادوەری  بۆسەر  دەوڵەتی عێراقی دەزانێت، کە خۆی لە خۆیدا  دەسەڵاتی دادوەری زامنی سەرەکی مافەکان و ئازادییەکان لە عێراق  دەکات .
وەک ڕاگەیەندراوەکە ئاماژەی پێداوە:- وەزارەت ئەم لێدوانانە بە دەستوەردانێکی ئاشکرا لە کاروباری ناوخۆی عێراق دەزانێت و جەختیشدەکاتەوە لەسەر کاریگەری دەسەڵاتی دادوەری کە  گرنگترین پێکهاتەی قەوارەی دەوڵەتە، کە بەرپرسیارە لە بەدەستهێنانی دادپەروەری و یەکسانی و سەقامگیری لە وڵاتدا.