كەش و هەوای عێراق: بەرزبوونەوەی تۆز و خۆڵ و دابەزینی ڕێژەیی پلەكانی گەرما

بەغدا - INA
ئەمڕۆ شەممە دەستەی كەشناسی وردەكارییەكانی بارودۆخی كەشوهەوای وڵاتی بۆ ڕۆژانی داهاتوو ڕاگەیاند، هاوكات پێشبینی زیادبوونی تۆز و خۆڵ و دابەزینی ڕێژەیی پلەكانی گەرمای دەكرد.
لە ڕاگەیەندراوێكی دەستەكەدا كە بەدەست ئاژانسی هەواڵی عێراقی (INA) گەیشتووە و تێیدا هاتووە : سبەی یەكشەممە، كەش و هەوا ساماڵ و گەرم دەبێت لەگەڵ تۆزێكی سووك لە ناوچەكانی ڕۆژئاوای وڵات، لە باشووریش نیمچە هەور دەبێت  و لە پاشنیوەڕۆدا دەگۆڕێت بۆ ساماڵ، و پلەكانی گەرما لە ناوچەكانی باكوور و ناوەڕاست هاوشێوە دەبن و تۆزێكیش بەرزدەبێتەوە لەناوچەی باشوور.
ئاماژەی بەوەشكرد  : رۆژی دووشەممە كەش و هەوا ساماڵ و گەرم دەبێت، پلەكانی گەرماش هاوشێوەی ڕۆژی پێشوو دەبن لە سەرجەم ناوچەكانی وڵات.
كەش و هەوای سێشەممەی داهاتوو ساماڵ و گەرم دەبێت، لەگەڵ بەرزبوونەوەی تۆز و خۆڵ لە چەند شوێنێك، پلەكانی گەرماش بە چەند پلەیەك لە سەرتاسەری وڵات دادەبەزن.
چوارشەممەی داهاتوو كەش و هەوا ساماڵ دەبێت لەگەڵ بەرزبوونەوەی  تۆز وخۆڵ بە تایبەت لە ناوچەی باشوور و پلەكانی گەرما هاوشێوەی ڕۆژی پێشوو دەبن لە ناوچەكانی ناوەڕاست و باكور و لە ناوچەكانی باشووریش كەمدەبێتەوە.