سەرۆك وەزیران جەخت لەسەر گرنگی پەرەپێدانی هاوكاری دووقۆڵی لەگەڵ نوێنەرایەتی ناتۆ دەكاتەوە

بەغدا –INA
سەرۆكی ئەنجومەنی وەزیران محەمەد شیاع سودانی، وەزیران جەختی كردەوە لەسەر گرنگی پەرەپێدانی هەماهەنگی دووقۆڵی لەگەڵ نێردەكە لە بوارەكانی ڕاهێنان و هەماهەنگی زانیاری لەگەڵ هێزە چەكدارەكانی عێراق دوای كۆتایی هاتنی ئەركی هاوپەیمانی نێودەوڵەتی لە عێراق
نوسینگەی ڕاگەیاندنی سەرۆكی ئەنجومەنی وەزیران لە راگەیندراوێكدا كە بۆ ئاژانسی هەوالێ عێراقی ( INA )نێردراوەتێیدا هاتووە " محەمەد شیاع سودانی، سەرۆكی ئەنجومەنی وەزیران، ئەمڕۆ پێنجشەممە پێشوازی كرد لە فەرماندەی ڕێكخراوی هاوپەیمانی باكوری ئەتڵەسی (ناتۆ) ی لە عێراق ژەنەڕاڵ لوكاس شرۆرز كە بەم دواییانە ئەركەكانی وەرگرت".
بەگوێرەی ڕاگەیەندراوەكە ئەوەیش هاتووە كە "لە دیدارەكەدا گفتوگۆی بارودۆخی ئەمنی ناوچەكە كرا و پێداچوونەوەیان بە هەوڵەكانی نێردەكە و هاوكارییەكانی كرد لەگەڵ دامەزراوە ئەمنییەكانی عێراق لە بواری ڕاوێژ و ڕاهێنان، هەروەها لە بواری هەماهەنگی هەواڵگری بۆ ڕاونانی پاشماوەكانی چەتە تیرۆریستییەكانی داعش".


سودانی جەختی كردەوە لەسەر " گرنگی پەرەپێدانی هەماهەنگی دووقۆڵی لەگەڵ نێردەكە لە بوارەكانی ڕاهێنان و هەماهەنگی زانیاری لەگەڵ هێزە چەكدارەكانی عێراق دوای كۆتایی هاتنی ئەركی هاوپەیمانی نێودەوڵەتی لە عێراق، بە شێوەیەك كە ئاسایش باشتر بكات و یارمەتیدەر بێت بۆ سەقامگیركردنی ناوچەكە".
هەروەها لە لای خۆیەوە، ژەنەڕاڵ شرۆرس سوپاسی حكومەتی كرد بۆ پشتیوانیكردنی نێردەكه و دابینكردنی شوێنی پێویست بۆ كارەكانی لە عێراق.