سەرۆکی دەستەی دەستپاکی ستراتیژێکی نوێ بۆ بەرەنگاربوونەوەی گەندەڵی ڕادەگەیەنێت
ناوخۆ
- 24-06-2024, 20:57
به‌غدا-INA - ویسام مه‌لا
ئەمڕۆ دووشەممە، ده‌سته‌ی دەستپاکی فیدراڵی کارەکانی ئامادەکردنی ستراتیژییەکی نوێی کاریگەر بۆ ماوەی ٦ ساڵ (٢٠٢٥-٢٠٣٠) بۆ بەرەنگاربوونەوەی گەندەڵی ڕاگەیاند، ئاماژەی بەوەدا کە کەرتی تایبەت و حکومەتە خۆجێیەکان بەشدار دەبن لە جێبەجێکردنی ستراتیژییەکانی دژە گەندەڵی.
سەرۆکی ده‌سته، حەیدەر حەنون، بە ئاژانسی هەواڵی عێراقی ڕاگەیاند" دەستەی دەستپاکی، لەكاتی دەستبەکاربوونییه‌وه وه‌كو سەرۆک تۆڕی عەرەبی بۆ بەرەوپێشبردنی دەستپاکی و بەرەنگاربوونەوەی گەندەڵی، دەستکەوتی زۆری بەدەستهێناوە، جگە لە کارەکانیشمان لە بەرەنگاربوونەوەی گەندەڵیدا، پێویستیمان دۆزیەوە کە ڕوو لە لایەنی خۆپارێزی بکەین، ئه‌مه‌ش وا ده‌رده‌خات كه‌بەرەنگاربوونەوەی گەندەڵی هەوڵێکی بەکۆمەڵ نەک تاکەکەسی، و خۆپاراستن باشترە لە چارەسەر، بۆیە چووینە بنکەیەک بە ناوی ستراتیژییە نیشتمانییەکان بۆ یەکپارچەیی و دژە گەندەڵی، و لە ئێستادا ١١ وڵاتی عەرەبی هەن کە ستراتیژیان هەیە، عێراقیش لەم بوارەدا پێشکەوتووە”.
حه‌نون ئاماژەی بەوەشکرد" ده‌سته‌ی دەستپاکی لە پرۆسەی ئامادەکردنی ستراتیژییەکی نوێی کاریگەردایە بۆ ماوەی ٦ ساڵ لە ساڵی ٢٠٢٥-٢٠٣٠ ستراتیژییەکە نەک تەنها هاوکاری لەگەڵ دامەزراوە فەرمییەکان ده‌كات به‌لكو بەشداریکردنی ده‌بێت لەگەڵ کەرتی تایبەت، کۆمەڵگەی مەدەنی، ڕۆژنامەگەریی بنكۆڵكاری، و بەکارهێنانی تەکنەلۆژیا، بەڵام ئەوەی نوێیە بریتییە لە پێدانی بوارێکی فراوان بە لایەنە پەیوەندیدارەکان لە بنیاتنانی تواناکانی کۆمەڵگا لە بەرەنگاربوونەوەی گەندەڵی و بنیاتنانی کۆمەڵگایەکی ڕاستەقینە، واتە (ژن و گەنجان)، هەروەها ئەوانەی توانای زانستی و پیشەیییان هەیە، بۆ ئەوەی ڕۆڵیان هەبێت لەم ستراتیژییەدا”.
هه‌روه‌ها وتی" ستراتیژیەکان کارێکی ئاسان نین، بەڵکو بەکارهێنانێکی کردارییە، لە عێراقدا هەوڵدەدەین ستراتیژییەکان لە دەسەڵاتی فیدراڵیدا جێبەجێبکرێن و بچیتە دەسەڵاتە خۆجێییەکان بۆ ئەوەی ئەنجومەنی پارێزگاکان هاوبەشێکی جەوهەری بن لە جێبەجێکردنی ستراتیژییەکان، بەپێی ئەو بناغانەی کە لە یاسای ئه‌و پارێزگاکانه‌دا هاتووە کە لە هەرێمێکدا ڕێکخراو نین."
