وەزیری کارەبا : نابێت دواکەوتن هەبێت لە دابینکردنی پێداویستی و پارچەی یەدەگ لە ناوەندەکانی چاکسازی

بەغدا-INA
ئەمڕۆ شەممە"زیاد عەلی فازل " وەزیری کارەبا ڕایگەیاند  کە نابێت دواکەوتن هەبێت لە دابینکردنی پێداویستی بۆ  ناوەندەکانی چاکسازی بە پارچەی یەدەگ.
وەزارەتی کارەبا لە بەیاننامەیەکدا کە بۆ  ئاژانسی هەواڵی عێراقی (INA) ناردوویەتی،تیایدا هاتووە :- لە چوارچێوەی هەوڵەکانی و بەدواداچوونی بەردەوامی کارەکانی سیستەمی کارەبا لەلایەن" زیاد عەلی فازل "وەزیری کارەبا، ئەمرۆ وەزیر  سەردانی  بەشی کۆگاکانی ناوەندی کارەبای بەغدای کرد.
وەک بەیاننامەکە ئاماژەی پێداوە:- ئامانج لە سەردانەکەی وەزیر بەدواداچوونە بۆ دۆخی ئێستای کۆگای ناوەندی پارچەی یەدەگ، چونکە خودی وەزیر  پێداچوونەوەی بە کەل و پەلی  بەردەست دەکات  و ڕێنماییەکانی دا  بۆ دەستەبەرکردنی بڕێکی پێویست لە کەرەستەی یەدەگ بۆ کۆنترۆڵکردنی کارەبا  لە هاویندا.
بەگوێرەی بەیاننامەکە وەزیری کارەبا  جەختی لە کەمکردنەوەی ڕۆتینی کارگێڕی و دوانەخستنی ئامادەکردنی کەرەستەی پێویست بۆ بەشی چاککردنەوە، بۆ دڵنیابوون لە سەقامگیری و بەردەوامی وززەی کارەبا  بۆ هاووڵاتیان کردەوە . 
وەزیری کارەبا لەومیانەیەدا  گوێی لە هەندێک لەو بەربەستانە بوو کە  کرێکاران و کارمەندقن ڕووبەڕووی دەبنەوە،و ڕێنماییدا  کە بە خێرایی چارەسەر و  ئاسانکاری بکەن بۆ کارکردن و گەیشتن بە ئامانجە خوازراوەکان.
هەر بەپێی بەیاننامەکە وەزیری کارەبا  بەمەبەستی پێزانین بۆ هەوڵی کرێکاران، ڕێنماییدا بە  ڕێزلێنان لەو فەرمانبەرانەی کە لە کۆگاکاندا کاردەکەن.