فەیاز: حەشدی شەعبی بە ناسنامەیەكی جیهادی دەستی پێكرد و لەسەر بناغەی قوربانیدان بنیات نرا

بەغداد - INA
ئەمڕۆ پێنجشەممە، سەرۆكی دەستەی حەشدی شەعبی فالح فەیاز، تەئكیدیكردەوە: حەشدی شەعبی بە ناسنامەیەكی جیهادی دەستیپێكرد و دەستكەوتێكی فرەلایەنەیە كە لەسەر بنەمای قوربانیدان بنیات نراوە.
فەیاز لە میانی وتارێكدا لە كۆنفرانسی تایبەتی دەیەمین ساڵیادی دامەزراندنی حەشدی شەعبی، كە ئاژانسی هەواڵی عێراقی بەدواداچوونی بۆ كردووە، رایگەیاند: حەشدی شەعبی بە ناسنامەیەكی جیهادیەوە دەستی پێكرد و ئێمە قبوڵی گۆڕینی ناكەین، و وتیشی: ئێمە لە هەموو ململانێ سەختەكاندا ئامادە بووین كاتێك ئەوانی تر پاشەكشەیان دەكرد، باشترین سەركردەكانیشمان وەك شەهید و ئازیزترین موڵكمان پێشكەش كرد.
ئاماژەی بەوەشكرد: دە ساڵ بەسەر دامەزراندنی حەشدی شەعبیدا شەرەفمەندترین ساڵن، بەو پێیەی وەك خزمەتكارێكی قوربانیدانی گەلی عێراق دەمێنێتەوە، و وتیشی: 
حەشدی شەعبی لە ناسنامەیەكی جیهادیەوە دەستیپێكردووە و ئێمە قبوڵی گۆڕینی ناكەین.
راشیگەیاند: حەشدی شەعبی دیواری میللەتن، هیوادارین لە هەموو كۆبوونەوەیەك و لە هەموو ڕوبەڕوبوونەوەیەكدا ئامادە بین، سوپاسی سەرۆك وەزیران دەكەین، كە لە وەڵامدا لە ڕێگەی بەیاننامەی وەزارەتی دەرەوە هەڵوێستی بەرگریكارانەی گرتەبەر، بۆ تۆمەتێك كە حەشدی شەعبی لە دەرەوەی سیستەمی سەركردایەتیدان و لە ژێر فەرماندەیی فەرماندەی گشتیدا نین.
ئاشكراشیكرد: بەیاننامەكەی حكومەت ڕوون و ڕاشكاوانە و تەحەدایانە بوو كە حەشد یەكێكە لەو دامەزراوانەی دەوڵەت كە شانازی پێوە دەكات و پابەندی فەرمانەكانی دەوڵەتە.