سەید حەکیم وحەلبووسی جەختیان کردەوەسەر پشتیوانیکردنی حکومەتەکەی سودانی وحکومەتە خۆجێییەکان
سیاسی
- 11-06-2024, 09:28
بەغداد/INA
سەرۆکی ڕەوتی حیکمەی نیشتیمانی سەید عەماڕ حەکیم وسەرۆکی حزبی تەقەددوم محمد حەلبووسی گرنگی پشتیوانیکردنی حکومەتەکەی سودانیان دووپاتکردەوە.
سەید حەکیم لەبەیاننامەیەکدا کە بۆ ئاژانسی هەواڵی عێڕاقی ناردوویەتی وتی پێشوازیمان کرد لە سەرۆکی حزبی تەقەددوم
محمد حەلبووسی وپێکەوە دوایین پێشهاتەکانی عێڕاق و ناوچەکەمان تاوتوێکرد و گرنگی ڕاگرتنی ئەم سەقامگیریەمان خستەڕوو کەپێویستە بەردەوامی بەخۆوە ببینێت.
ڕوونیشی کردەوەکە جەختمان کردەوەسەر پشتیوانیکردنی حکومەتەکەی سودانی وحکومەتە خۆجێییەکان لە پارێزگاکاندا بۆ جێبەجێکردنی پڕۆژەکان، هەروەها پێداگریمان کرد لەسەر یەکلاکردنەوەی هەڵبژاردنی سەرۆکی پەرلەمانی عێڕاقی.
هەروەها سەید حەکیم ئاماژەی بەوەکرد کە لەدیدارەکەدا جەختمان کردەوە سەر وەستاندنی هێرشەکانی سەرغەززەو گەیاندنی هاوکاریەکان بە گەلی فەلەستینی وئاوەدانکردنەوەی شوێنە ڕووخاوەکان و گێڕانەوەی ئاوارەکان.
