نرخی نەوت بەرزبووەوە
ئابوری
- 7-06-2024, 14:00
بەدواداچون -INA
ئەمڕۆ هەینی نرخی نەوت جارێکی تر بەرز بوویەوە و هەر بەرمیلێک نەوتی خاوی برێنت دوو سەنت بەرزبووەوە و گەیشتە 79 دۆلار و 89 سەنت، هەروەها نرخی نەوتی خاوی ڕۆژئاوای تەکساسی ئەمریکا بۆ چوار سەنت بەرزبووەوە و گەیشتە 75 دۆلار و 59 سەنت.
هەروەک دوێنێ پێنجشەممە نرخی نەوت بەرزبووەوە، بەهۆی هەوڵەکانی سعوودیە و ڕووسیا لەبارەی ڕێککەوتنی بەرهەمهێنان.
ڕێکخراوی وڵاتانی هەناردەکاری نەوت و هاوپەیمانەکانی لە نێویاندا ڕووسیا ڕێککەوتن لەسەر درێژکردنەوەی کەمکردنەوەی بەرهەمهێنانی نەوت تا ساڵی 2025،بەڵام ڕێگەیان بە کراوەیی هێشتەوە بۆ هەشت ئەندام تا وردە وردە بڕینی خۆبەخشانە هەڵبوەشێننەوە.
دوێنێ پێنجشەممە"شازادە عەبدولعەزیزی کوری سەلمان "وەزیری وزەی سعودیە ڕایگەیاند:١ هاوپەیمانی ئۆپێک پڵەس دەتوانێت زیادبوونی بەرهەمهێنان ڕابگرێت یان هەڵبوەشێنێتەوە، ئەگەر بۆی دەرکەوت بازاڕەکەی بەهێز نییە.
