دەستەی حەج گەیشتنی سەرجەم حاجیانی عێراق بۆ خاكی پیرۆز ڕادەگەیەنێت
ناوخۆ
- 6-06-2024, 21:56
بەغداد - INA
ئەمڕۆ پێنجشەممە، دەستەی باڵای حەج و عومرە گەیشتنی سەرجەم حاجیانی عێراق بۆ خاكی پیرۆز ڕاگەیاند.
دەستەكە لە بەیاننامەیەكدا كە بۆ ئاژانسی هەواڵی عێراقی ناردووە، دەڵێت: دەستەی حەج، بەهۆی ئەو پلانە تۆكمەی كە خستیە بواری جێبەجێكردنەوە و هەوڵە یەكگرتووەكان لەگەڵ لایەنە پشتیوانەكان، توانی تەواوی ژمارەی حاجیان بە تەواوی و بەبێ تۆماركردنی هیچ ڕووداوێكی بەرچاو بگەیەنێتە خاكی پیرۆز.
ئاماژەی بەوەشكرد: بە هاوكاری لەگەڵ هێڵی ئاسمانی عێراقی و دەستەی فڕۆكەوانی شارستانی، گواستنەوەی حاجیان لە ڕێگەی شەش فڕۆكەخانەی عێراقی (بەغدا، نەجەفی ئەشرەف، بەسرە، كەركوك، هەولێر، و سلێمانی) گواسترانەوە بۆ فڕۆكەخانەكانی مەدینە و جددە.
یەكشەممەی ڕابردوو 2ی حوزەیران، دەستە تێپەڕینی سەرجەم حاجیانی لە رێگەی وشكانی بە دەروازەی سنووری عەرعەر و گەیشتنیان بۆ خاكی پیرۆز بە شێوەیەكی ڕێك و پێك و گونجاو راگەیاند.
