سەرۆك وەزیران سەرۆك وەزیران ڕێنمایی سەبارەت بە نۆژەنكردنەوەی فڕۆكەخانەی نێودەوڵەتی بەغدا دەردەكات

بەغدا –INA
سەرۆكی ئەنجومەنی وەزیران محەمەد شیاع سودانی، سەرۆك وەزیران ڕێنمایی سەبارەت بە نۆژەنكردنەوەی فڕۆكەخانەی نێودەوڵەتی بەغدا دەردەكات.
نوسینگەی ڕاگەیاندنی سەرۆكی ئەنجومەنی وەزیران لە راگەیندراوێكدا كە بۆ ئاژانسی هەوالێ عێراقی ( INA )نێردراوەتێیدا هاتووە " محەمەد شیاع سودانی، سەرۆكی ئەنجومەنی وەزیران ئەمڕۆ چوارشەممە سەرۆكایەتی كۆبوونەوەیەكی كرد كە تایبەت بوو بە بەدواداچوون بۆ پڕۆژەی نۆژەنكردنەوەی فڕۆكەخانەی نێودەوڵەتی بەغداد".
لە میانەی كۆبوونەوەكەدا "سەرۆك وەزیران پێداچوونەوەی بۆ پێشكەشكردنێكی گشتگیر كرد بۆ دەرئەنجامەكانی ئەو كار و لێكۆڵینەوانە كە لەلایەن ڕاوێژكاری پڕۆژەكەوە ئامادەكراوە (دامەزراوەی دارایی كردنی نێودەوڵەتی / IFC) كە سەر بە بانكی نێودەوڵەتیییە و پێداچوونەوەیەكی پێشكەش كرد بۆ بڕگەكانی لێكۆڵینەوەی تەكنیكی و ئابووری بۆ نۆژەنكردنەوە و فراوانكردنی فڕۆكەخانەی نێودەوڵەتی بەغداد لە ڕێگەی وەبەرهێنان و هاوبەشییەوە لەگەڵ كەرتی تایبەت كە تایبەتە بە بەڕێوەبردن و كارپێكردنی فڕۆكەخانەكان".
بەگوێرەی ڕاگەیەندراوەكە ئەوەیش هاتووە كە " ئاماژە بەوە دەكات كە فڕۆكەخانەی نێودەوڵەتی بەغداد گەشەسەندنی هاتوچۆی ئاسمانی بە ڕێژەیەكی ئاوێتەی ساڵانەی گەشەسەندنی 15.7% بەخۆیەوە بینیوە، لە ماوەی ساڵانی ڕابردوودا ژمارەی گەشتیاران گەیشتە زیاتر لە 3.4 ملیۆن گەشتیار لە ساڵی 2023 دا، و پێشبینیش دەكرێت گەشەی هاتوچۆی سەرنشین بەردەوام بێت ئەگەر بارودۆخەكان بەردەوام بێت لە باشتربوون و سەقامگیری، هەروەها ئەگەر بەربەستە سەرەكییەكان لەبەردەم گەشەی هاتوچۆی گەشتیاران لاببرێن، كە گرنگترینیان لابردنی ئەو قەدەغەیەیە كە بەسەر هێڵی ئاسمانی عێراقیدا سەپێنرابوو و دەسەڵاتی فڕۆكەوانی مەدەنی ئەو وردبینییەی ڕێكخراوی فڕۆكەوانی مەدەنی نێودەوڵەتی (ICAO) تێپەڕاند".
لەكۆبونەوەكەدا ئەوەیش هاتووە كە" ڕاوێژكارەكە پێداچوونەوەی بە بژاردە شیاوەكان كرد بۆ چاككردنەوە و فراوانكردنی فڕۆكەخانەكە و دروستكردنی تەرمیناڵێكی نوێی گەشتیاران كە شوێنی گەشەكردنی هاتوچۆی ئاسمانی بگرێتەوە تا ساڵی 2036، بۆ ئەوەی توانای فڕۆكەخانەی بەغداد ساڵانە 8.5 بۆ 9 ملیۆن گەشتیار بێت، لەگەڵ فراوانبوونی دواتر بەپێی پێویست".


بەگوێرەی ڕاگەیەندراوەكە " لە كۆبوونەوەكەدا،  سودانی ئاماژەی بەوەدا كە پرۆسەی چاككردنەوە و گەشەپێدان دەبێت لەگەڵ دوایین تایبەتمەندی و ستانداردەكانی ڕێكخراوە نێودەوڵەتییەكانی پەیوەندیدار بە فڕۆكەخانەكاندا بگونجێت و ئاسوودەیی گەشتیاران لەبەرچاو بگرێت و ئاسانكاری بۆ جوڵەیان بكات لە كاتی بەكارهێنانی ئامراز و وێستگەكانی فڕۆكەخانەكە".


سەرۆك وەزیران ئاماژەی بەوەشكرد كە عێراق بووەتە دەرفەتێكی وەبەرهێنان بۆ زۆرێك لە كۆمپانیا عەرەبی و نێودەوڵەتییە بەناوبانگەكان كە دەیانەوێت هاوبەش بن لەو پڕۆژە ئابوورییە ئومێدبەخشانەی كە لە عێراقدا بەڕێوەدەچن.