لەناوبردنی 10 حەشارگەی تیرۆریستان بە هێرشی ئاسمانی لە پارێزگاكانی دیالە و كەركوك
ئەمنی
- 5-06-2024, 11:51
بەغداد - INA
ئەمڕۆ چوارشەممە، شانەی ڕاگەیاندنی ئەمنی ئاڕاستەی هێرشە ئاسمانییەكانی بۆ سەر حەشارگەكانی تیرۆریستان لە پارێزگاكانی دیالە و كەركوك ڕاگەیاند، و هاوكات ئاماژەی بەوەدا كە ئۆپەراسیۆنەكە بووە هۆی لەناوبردنی 10 حەشارگەی تیرۆریستانی داعش.
شانەی ڕاگەیاندنی ئەمنی لە بەیاننامەیەكدا كە بۆ ئاژانسی هەواڵی عێراقی ناردووە، دەڵێت: لەژێر چاودێری و پلانی فەرماندەیی ئۆپەراسیۆنە هاوبەشەكان و بەپێی زانیاری وردی ئاژانسەكان و دەزگا هەواڵگرییەكان و بە هەماهەنگی لەگەڵ خانەی بەئامانجكردنی فەرماندەیی ئۆپەراسیۆنە هاوبەشەكان، فرۆكەی (صقور الجو) بە یارمەتی فڕۆكەی سێزنا كرفان 4 حەشارگەی تیرۆریستان لە دیالەو 6 حەشارگەی تری تیرۆریستان لە كەركوك لەناو برد.
ئاماژەی بەوەشكرد: ئەم گورزانە درێژەپێدەری ئەو هێرشانەیە، بۆ ڕێگری لە دوژمن لە بەكارهێنانی حەشارگەكانی و بڕینی ڕێگاكانی دابینكردنی لۆجستی.
