بانکەکانی ڕافیدەین و ڕەشید دەست بە دابەشکردنی مووچەی خانەنشینان دەکەن

ناوخۆ

2-06-2024, 16:24

+A -A

بەغدا -INA
ئەمڕۆ یەکشەممە، بانکەکانی ڕافیدەین و ڕەشید ڕایانگەیاند:- کە دەستیان بە دابەشکردنی مووچەی خانەنشینان کرد.
بانکی رافیدەین لە ڕاگەیەندراوێکدا کە بۆ ئاژانسی هەواڵی عێراقی (INA) ناردوویەتی،تیایدا هاتووە: بانکەکە دەستدەکات بە دابەشکردنی مووچەی خانەنشینانی مەدەنی و سەربازی.
وەک ڕاگەیەندراوەکە ئاماژەی پێداوە :- ئەو خانەنشینانەی کە کورتە نامەیان پێدەگات دەتوانن سەردانی شوێنی پارەدانی ئەلیکترۆنی بکەن بۆ وەرگرتنی موچەکانیان.
هاوکات بانکی ڕەشیدیش لە ڕاگەیەندراوێکی جیادا کە بۆ ئاژانسی هەواڵی عێراقی (INA) ناردوویەتی ، تیایدا هاتووە :- دەستدەکات بە دابەشکرسنی مووچەی خانەنشینانی مەدەنی و سەربازی بۆ مانگی حوزەیران.
هەروەک بانکەکە داوای لەو موچەخۆرانەی دەکات کە سەردانی لقەکانی بانکەکە و نوسینگەکانی پارەدانی ئەلیکترۆنی بکەن بۆ وەرگرتنی موچەکانیان.