بەبۆنەی یادی چل و نۆ ساڵەی دامەزراندنی یەکێتی نیشتمانی کوردستانی سەرۆک وەزیران پەیامێکی پیرۆزبایی ئاراستەی ئەو حزبە دەکات

ئەمرۆ یەک شەممە "محەمەد شیاع سودانی" سەرۆكوەزیران،بەبۆنەی 49ساڵەی دامەزراندنی یەكێتیی نیشتمانیی كوردستانەوە، پەیامێكی پیرۆزبایی ئاڕاستەی "بافڵ جەلال تاڵەبانی" سەرۆكی یەكێتی نیشتیمانی کوردستان دەكات.
نووسینگەی راگەیاندنی "محەمەد شیاع سودانی " لە راگەیەندراوێكدا،کە بۆ ئاژانسی هەواڵی عێراقی (INA)ناردوویەتی ، تیایدا هاتووە:- سەرۆكوەزیران پیرۆزبایی ساڵیادی دامەزراندنی یەكێتیی نیشتمانیی كوردستان دەكات.
وەک ڕاگەیەندراوەکە ئاماژەی پێداوە:- بەوبۆنەیەوە سودنی پەیامێكی پیرۆزبایی ئاڕاستەی "بافڵ جەلال تاڵەبانی" سەرۆكی یەكێتی كردووە و تێێدا، ئەوەی خستۆتەروو : کە ساڵیادی دامەزراندنی یەكێتی هاوکات بوو لەگەڵ  ساڵیادی رووبەرووبونەوەی زوڵم و زۆرداری رژێمی لەناوچوو و قارەمانێتی رۆڵەكانی ، کە شۆڕشیان دژی زوڵم بۆ بنیادنانی بنەمای ئازادی و دیموكراتی بەرپاکرد.
بەگوێرەی ڕاگەیەندراوەکە "سودانی " لە بەشێكی دیكەی پیرۆزباییەكەیدا، باسی لەو بەخشینە كردووە كە مام جەلال تاڵەبانی و هاوڕێكانی پێشكەشیانكردووە، كە رۆڵی گەورەیان هەبووە لەگەڵ هێزە سیاسییەكانی دیكە بۆ دەربازبوون لەژێر زوڵمی رژێمی دیكتاتۆری و بنیادنانی بنەمای عێراقێكی نوێ.