بەبۆنەی لە ساڵیادی دامەزراندنی یەکێتیی نیشتمانی کوردستانەوە مەسرور بارزانی پەیامێکی پیرۆز بایی ئاراستەی ئەو حزبە دەکات

هەولێر - INA
ئەمرۆ شەممە"مەسرور بارزانی" سەرۆکی حکومەتی هەرێمی کوردستان ، بەبۆنەی لە ساڵیادی دامەزراندنی یەکێتیی نیشتمانی کوردستانەوە، پەیامێکی پیرۆز بایی ئاراستەی ئەو حزبە کرد،و یەکێتی بە خاوەن مێژوویەکی دیار و بەرچاوە و لە زۆر قۆناغی جیاوازی مێژووی گەلی کوردا وەسف دەکات،کە ڕوڵی دیار و کاریگەری هەبووە.    
ئەمەی خوارەوە دەقی پەیامەکەی مەسرور بارزانی سەرۆکی حکومەتی هەرێمی کوردستانە :- 
بۆ سەرکردایەتی و ئەندامانی یەکێتیی نیشتمانیی کوردستان
سڵاو و ڕێز..
پیرۆزبایی یادی دامەزراندنی یەکێتیی نیشتمانیی کوردستان لە بەڕێزتان و ئەندامان و لایەنگرانتان دەکەم.
یەکێتی خاوەن مێژوویەکی دیار و بەرچاوە و لە زۆر قۆناغی جیاوازی مێژووی گەلەکەماندا،ڕوڵی دیار و کاریگەری هەبووە.
لەم ڕۆژەدا یادی دامەزرێنەری یەکێتیی نیشتمانیی کوردستان، خوالێخۆشبوو بەڕێز مام جەلال دەکەینەوە و هیوادارم لە تێکۆشان و خەبات لەپێناو بەدیهێنانی مافە ڕەواکان و پاراستنی دەستکەوتەکانی گەلەکەمان و هەروەها لە پشتیوانیکردنی حکومەتی هەرێمی کوردستان بەردەوام بن و هەر سەرکەوتوو بن.

مەسرور بارزانی
سەرۆکی حکومەتی هەرێمی کوردستان
01 حوزەیران 2024