ئەمینداریەتی گشتی ئەنجومەنی وەزیران : قۆناغی یەکەمی پڕۆژەی دروستکردنی قوتابخانەکان لە مانگی تشرینی دووەم تەواو دەبێت
سیاسی
- 1-06-2024, 20:42
بەغداد-INA
ئەمرۆ شەممە "حەیدەر مەجید " وتەبێژی ئەمینداریەتی گشتی،بە ئاژانسی هەواڵی عێراقی (INA)ی ڕاگەیاند: ژمارەی باڵاخانە قوتابخانە نمونەییەکان کە تا ئێستا تەواو کراون 200 قوتابخانەیە کە بەسەر بەغدا و پارێزگاکان دابەش کراون بەدیزایینی نوێ و مۆدێرن.
مەجید ئاماژەی بەوەشکرد:- قۆناغەکانی کارکردن ئێستا بە خێراییەکی زۆر بەرەوپێش دەچێت، هەروەک بەدواداچوونی بەردەوامیش هەیە لەلایەن ئەمینداریەتی گشتی ئەنجومەنی وەزیرانەوە کە سەرپەرشتی پڕۆژەکە لەڕێگەی سەردانی مەیدانی بۆ شوێنەکانی بەغدا و پارێزگارەکان بەشێوەیەکی بەردەوام دەکات و ئەم مەلەفە لەلایەن سەرۆکوەزیرانەوە بایەخی پێدەدرێت.
ووتیشی : بەپێی ئەو پلانەی کە لە لایەن بەشی پڕۆژە نیشتمانییەکان و دروستکردنی قوتابخانەکانەوە داڕێژراوە، قۆناغی یەکەم لە مانگی تشرینی دووەمی ئەمساڵدا تەواو دەبێت، و بە دڵنیاییەوە ڕادەستی وەزارەتی پەروەردە دەکرێن بۆ مەبەستی خستنە بواری خزمەتەوە.
