دەستەی حەج ئەو حاجیانە دەژمێرێت كە بە وشكانی و ئاسمانی دەگەنە خاكی پیرۆز

بەغدا - INA- نەسار حاج
ئەمڕۆ هەینی دەستەی باڵای حەج و عومرە، حاجیانی عێراقی ژمارد  كە بە وشكانی و ئاسمانی گەیشتن بە خاكی پیرۆز، هاوكات بوونی هەماهەنگی لەگەڵ بانكی ناوەندی و بانكەكان دووپاتكردەوە بۆ فرۆشتنی دۆلار بە حاجیان بە نرخی فەرمی.
وتەبێژی دەستەكە حەسەن فەهد كنانی بە ئاژانسی هەواڵی عێراقی (INA)ی ڕاگەیاند : پرۆسەی گواستنەوەكە بەردەوامە، جا چ لە ڕێگەی ئاسمانی لە ڕێگەی فڕۆكەخانەكانی بەغدا، نەجەف ئەشرەف، بەسرە، هەولێر، سلێمانی، كەركوك بۆ راستەوخۆ بۆ فرۆكەخانەی مەدینە - فڕۆكەخانەی شازادە محەمەد بن عەبدولعەزیز، هەروەها گواستنەوە لە ڕێگەی دەروازەی سنووری عەرعەرەوە كە حاجیان لەلایەن هێزە ئەمنییەكانەوە بە یاوەرییەوە دەبرێنە دەروازەی سنووری عەرعەر.
كنانی ووتیشی: حاجیان بەناو شاری حاجیان و عەمرەكاراندا تێدەپەڕن، كە لە ماوەیەكی ستاندارد دامەزرا كە لە شەست ڕۆژ زیاتر نەبێت، هەروەها هەموو ئەو خزمەتگوزارییانەی تێدایە كە حاجی پێویستی پێیەتی وەك  سەهۆڵ و بەشەناوخۆیی، نانی بەیانی و نیوەڕۆ و ئێوارەی تێدا دابین دەكرێت كاتێك حاجی لەوێ دەمێنێتەوە، پاشان لە دەروازەی سنووری عەرعەر كە ڕێكارەكان ئاسان و سادەن.
ناوبراو درێژەی بە قسەكانی دا و وتی: ژمارەی حاجیانی گەیشتنی بە وشكانی و ئاسمانی بۆ خاكە پیرۆزەكان گەیشتە نزیكەی 24 هەزار و 400حاجی كە ئێستا نیوەیان لە مەدینەن و نیوەكەی تریش لە مەكەی پیرۆزن دوای سەردانی پێغەمبەری بەرز كردووە  (د.خ) .
سەبارەت بە هەماهەنگی لەگەڵ بانكی ناوەندی بۆ بەدەستهێنانی دۆلار، كنانی ڕوونیكردەوە  : هەماهەنگی هەیە لەگەڵ بانكی ناوەندی، بانكی ڕەشید و رافیدەین، هەروەها بانكی ناسك كە لە سەرەتاوە دۆلار بۆ حاجیان خەرج دەكات لە شاندەكە، جگە لە بانكی بازرگانی عێراقی و كۆمپانیاكانی ئاڵوگۆڕكردن، كە هەموویان لە ماڵپەڕی فەرمی دەستەكەدا بەردەستن بەمەبەستی ئاگاداربوون لەو شوێنانەی كە دۆلار بە نرخی فەرمی بۆ حاجیان لە بەغدا و پارێزگاكان دەفرۆشرێت.