ئەستەنبوڵا – ا ه ع لیژنەی باڵای هەڵبژاردنەكانی توركیا، ئەمرۆ یەك شەممە، ناوی كاندیدانی هەڵبژاردنی پێشوەختی سەرۆكایەتی توركیای راگەیاند كە بڕیارە لە 24ی حوزەیران بەرێوەبچێت. لەوبارەیەوە پەیامنێری ئاژانسی هەواڵی عێراقییە ( ا ه ع) رایگەیاند:" رۆژنامەی فەرمی توركیا لەزاری لیژنەی باڵای هەڵبژاردنەكانەوە ناوی 6 كاندیدی بۆ هەڵبژاردنی سەرۆكایەتی بڵاوكردەوە. ئەو شەش كەسەش بریتین لە: رەجەب تەیب ئەردۆغان سەرۆك كۆماری توركیا، مەحرم ینجە سەركردە لە پارتی گەلی كۆماری، سەڵاحەدین دەمیرتاش هاوسەرۆكی پارتی گەلانی دیموكراتی و نوێنەری كورد لە پەرلەمانی توركیا كە لە زیندانەوە خۆی كاندید كردووە، مرال ئەكشنر سەرۆكی پارتی ئایی كە پارتێكی نوێیە، كارا ملا ئۆغلۆ سەرۆكی پارتی سەعادە، دوغو برینجك سەرۆكی حزبی نیشتمان.
ئینفوگرافیک: کۆی توانای عەمبارکردنی بەنداوەکان لە عێراق