پلاسخارت بە بۆنەی کۆتایی هاتنی ئەرکەکانی: سوپاسی عێراقییەکان دەکەم بۆ بەخشندەیی و میواندارییان

به‌غدا-INA
ئەمڕۆ سێشەممە، نوێنەری تایبەتی ئەمینداری گشتی نەتەوە یەکگرتووەکان لە عێراق، جینین هێنیس پلاسخارت، سوپاسی هەموو عێراقییەکان كرد بۆ بەخشندەیی و میواندارییان بە درێژایی ماوەی ئەرکەکانی لە عێراق.
پلاسخارت لە پەیامێکیدا کە بە بۆنەی کۆتایی هاتنی خولەکەیەوە و ئاژانسی هەواڵی عێراقی (INA) وه‌ریگرتووە، وتی: لەگەڵ نزیکبوونەوەی ماوەی خولەکەم وەکو نوێنەری تایبەتی ئەمینداری گشتی نەتەوە یەکگرتووەکان لە عێراق، حەز دەکەم سوپاس و پێزانین گه‌رمی خۆم بۆ هەموو عێراقییەکان رابگه‌ینم، بە تایبەت ئەوانەی کە من چاوم پێیکەوتووه‌ و لەگەڵیان کارم کردووە.
ئاماژەی بەوەشکرد كه‌لەماوەی پێنج ساڵی ڕابردوودا چەندین جار کاریگەری لەسەر بەخشندەیی و میوانداری گەلێک هەبووە کە هەرگیز لە نەریتی پێشوازیکردن لە کەسێکی بیانی یان هاوکاریکردنی کەسانی پێویستدار لایان نەداوە، تەنانەت ئه‌گه‌ر لەسەر حیسابی ئاسوودەیی یان کاتەکانیانیش بێت، من زۆر شتیان لێ فێربوم لە گوێگرتن لە ژنان و پیاوانی عێراقی کاتێک بە شانازییەوە مێژووی خۆیان دەگێڕنەوە.
پلاسخارت لە درێژەی په‌یامه‌كه‌یدا وتی" هەرچەندە زۆرێک ڕووبەڕووی تەحەدای جددی بوونەتەوە، بەڵام گەشبینی بۆ ڕۆژانی داهاتوو هەمیشە گەشاوە بوو، ئەوان پێشوازییان لە من و هاوکارەکانی دیکەم لە نەتەوە یەکگرتووەکان کرد بۆ ناو شار و ماڵەکانیان، و بانگهێشتیان کردین بۆ ئەوەی لەگەڵیان لە ژەمێک یان بۆنەیەکدا دەرفەتێک لەدەست نەدەن بۆ تیشک خستنە سەر کولتوری دەوڵەمەندی عێراق و جوانییە زەبەلاحەکەی، و بە درێژایی خەڵکێکی بێشومار لە هەموو تەمەنەکاندا لەخۆوە دووبارە و سێبارە هیوا و خواستەکانیان لە سەرانسەری وڵاتدا بە هەرێمی کوردستانیشەوە باسکرد و هەرگیز هیچیان لەبیر ناکەم.”
ئه‌وه‌شی ڕاگه‌یاند" بەڕاستی ئەو کۆبوونەوە پیشەیی و گفتوگۆیانە بەرز دەنرخێنم کە لەگەڵ کۆمەڵێک هاوبەشی بەرفراوان ئەنجامماندا لە نوێنەرانی کۆمەڵگەی مەدەنی، ئەکادیمیستەکان، سەرکردەکانی هۆزەکان و سەرکردە ئاینییەکانەوە تا دەسەڵاتە ناوخۆییەکان، دەسەڵاتدارانی پارێزگاکان، دەسەڵاتدارانی نیشتمانی، دادوەرەکان، بەرپرسانی ئەمنی و سیاسەتمەداران. پێویست ناکات بڵێین بۆچوون و دیدگاکانیان زۆر شتیان فێرکردووین و ڕێنمایی کارەکانمان کردووە، هه‌روه‌ها هەندێک لەو کۆبوونەوانە بریتی بوون لە خەڵک کە ناكۆكییه‌كانی ڕۆژانەی خۆیان وەلا ناوە بۆ دۆزینەوەی چارەسەر لە کاتە گرنگەکاندا بۆ عێراق.
ئاماژەی بەوەشکرد" هەموو ئەم کارلێکانە کاریگەرییەکی زۆری لەسەر من بەجێهێشت، بێگومان ناتوانم زیادەڕەوی لە سوپاسگوزاریمان بۆ دەزگا جیاوازەکانی حکومەتی عێراق بکەم، کە ئاسانکارییان بۆ کارەکانمان کرد، لەڕێگەی هەوڵە ماندوو نەناسەکانەوە، و ستاف و ئۆپەراسیۆنەکانی نەتەوە یەکگرتووەکانیان پاراست".
پلاسخارت جەختی لەوە کردەوە" هیچ کام لەمانە بۆ ئەوە نییە بڵێین نەتەوە یەکگرتووەکان بێبەری بووە لە ڕەخنەکان  هەندێکیان ڕەوا بوون، هەندێکیان تەنیا لەسەر بنەمای تێڕوانینێکی هەڵە بوون سەبارەت بەوەی ئێمە کێین، و چی دەتوانین و ناتوانین بیکەین بۆ ئەوانەی لە بەهاکانی ڕێکخراوەکە تێدەگەن و چی وەستاوە گرنگ بوو، ئاشتی یان هەژاری و خۆشگوزەرانی پەیوەستە بە ئیرادەی سیاسی وڵاتانەوە، بەڵام ئەگەر بتوانین گۆڕانکاری لە ژیانی خەڵکدا بکەین، شایەنی ئەوەیە کارەکە چڕتر بکەینەوە و بەردەوام بین لە هەوڵدان و لە کۆتاییدا نەتەوە یەکگرتووەکان یەک ئەولەویەتێکی سەرەکی لە ناوەڕۆکی خۆیدا هەیە: بەرەوپێشبردنی ئاشتی و خۆشگوزەرانی بۆ هەمووان بەبێ گوێدانە پەیوەندی، ئایین، پاشخان و ڕەگەز”.
پلاسخارت لە کۆتایی قسەکانیدا وتی: جارێکی دیکە دەمەوێت سوپاس و پێزانینی قووڵی خۆم دەرببڕم بۆ ئەو هاوکاری و پاڵپشتییە بەخشندەیەی کە پێشکەشی نێردەی نەتەوە یەکگرتووەکان بۆ هاوکاریی عێراق (یونامی) و ده‌سته‌ی فراوانی نەتەوە یەکگرتووەکان لە عێراق و بۆ من کراوە بە شێوەیەکی شەخسیی، بژی عێراق."