سەرۆک وه‌زیران: حکومەت بەردەوامە لە جێبەجێکردنی بەڵێنەکانی لەباره‌ی جێبەجێکردنی پڕۆژە خزمەتگوزارییەکان لە بەغدا و پارێزگاکان

به‌غدا-INA
ئەمڕۆ دووشەممە، محەمەد شیاع سودانی، سەرۆکی ئه‌نجوومه‌نی وەزیران دووپاتیکردەوە، کە حکومەت بەردەوامە لە جێبەجێکردنی بەڵێنەکانی لەبواری جێبەجێکردنی پڕۆژە خزمەتگوزارییەکان لە بەغدا و پارێزگارەکان.
نووسینگەی ڕاگەیاندنی سەرۆک وەزیران لە ڕاگەیەندراوێکدا کە بۆ ئاژانسی هەواڵی عێراقی (INA) ناردووە، تێدا هاتووه‌:  سەرۆکی ئه‌نجوومه‌نی وه‌زیران پردی ئەلروستەمیە و موهەندیسین و ئەلشەلیجیەی کردەوە، ئەمەش لە چوارچێوەی یەکەم پاكێجی پڕۆژەكان بۆ نەهێشتنی قەرەباڵغی هاتوچۆ لە بەغدای پایتەخت”.
سودانی ستایشی هەوڵەکانی کادیرانی تەکنیکی لە وەزارەتی بیناسازی و نیشتەجێکردن وشارەوانی بەغدا و هەموو لایەنە پاڵپشتەکان لە جێبەجێکردنی ئەم پڕۆژە گرنگانەدا كرد، ئاماژەی بەوەدا کەبەکردنەوەی ئەو پڕۆژانە، كه‌واته‌ ته‌واوكردنیان لە کۆی ١٦ پڕۆژە لە پاکێجی یەکەمدا پێنج پڕۆژەمان تەواو کردووە، هه‌روه‌ها سوپاسی هاوڵاتیانی کرد کە بەرگەی ئازارەکانی قەرەباڵغی و لادانی ڕێگاوبانەکان كێشاوه‌ و سەبریان بویته‌ هۆی کردنەوەی ئەم پڕۆژانە ئەمڕۆ.
سەرۆک وه‌زیران راگه‌یاند" حکوومەت لەسەر ڕێگای جێبەجێکردنی بەڵێنەکانی بە خەڵک و جێبەجێکردنی پرۆژە خزمەتگوزارییەکانە لە بەغدا و پارێزگاکان به‌رده‌وام ده‌بێت، ئاماژەی بەوەشکرد کە 4 پڕۆژە هەیە لەسەر ئاستی پرد و ڕێڕەوی لە ئەنبار، دیوانیە، دی قەر و میسان، کە لە ماوەی سێ مانگدا دەکرێتەوە.
لە ڕاگەیەندراوەکەدا ئاماژە بەوەشکراوە ئەو پردەی ڕێگای محەمەد ئەلقاسم بە ڕێگای کەناڵی سوپاوە دەبەستێتەوە لە دیوی ڕوستەمییەوە یەکێکە لە پرۆژە گرنگەکان بۆ لابردنی ژمارەیەک گرێی هاتووچۆی خنکێنەر لەناو ڕێگای کەناڵ و ناوچەکانی یەکتربڕین لەگەڵ محەمەد ئەلقاسم و فراوانکردنی ڕێگاکانی تەنیشت هەردوو دیوی کەناڵەکە لە هەردوو دیوی ناوچەی بەغدای نوێ و ئەلئەمینەوە لەخۆدەگرێت. هەروەها دروستکردنی تونێلێک هاوتەریب لەگەڵ تونێلی ئێستا بە درێژی ٣٦٠ مەتر، لەگەڵ دروستکردنی پردێک بە درێژی ٤٧٠ مەتر، لەگەڵ نزیکبوونەوەکان و بەستنەوەی ڕێگای محەمەد ئەلقاسم بە ڕێگای کەناڵی سوپاوە لە یەک ئاراستە و نۆژەنکردنەوە و پەرەپێدانی بازنه‌ی جه‌بهه‌”.
لە درێژەی قسەکانیدا وتی" پردی ئەلشەلجیە بەشێکە لە پرۆژەی پەرەپێدانی یەکتربڕەکانی ئەلتۆبجی و ئەلشالیجیە، هەروەها دروستکردنی پردێک لەخۆدەگرێت بە درێژی ٤٥٠ مەتر، کە دەکەوێتە سەر شەقامی ١٤ی تەمموز، لەگەڵ دوو پردی دیكه‌ی جیاوازی هێڵەکان (بۆهاتن و چۆن)، لەگەڵ فراوانکردن و پەرەپێدانی ڕێگا لاوەکییەکانی پردەکە، و هاتوچۆ دەگوازێتەوە، چوارڕێیانی بوراسا).”
ئه‌وه‌شی ڕایگەیاند" پڕۆژەی بەستنەوەی شەقامی ئەلدەخیل بەرەو شەقامی فەلەستین / قەزای ئەلموهەندیسین دوو پردی سەرەوەی بەدرێژایی کەناڵی سوپا بە درێژایی ٧٠٠ مەتر لەخۆدەگرێت، هەروەها پردێکی زەمینی کە ڕووباری کەناڵ دەبڕێت بە درێژی ٢٣٠ مەتر، بۆ بەستنەوەی ڕێگای زەمینی کە دوو ناوچەی ڕۆژهەڵاتی کەناڵەکە (قەزای ئەلئەمانە) بەیەکەوە دەبەستێتەوە بە ڕۆژئاوای خۆیەوە لە (گەڕەکی ئەلموهەندیسین) شەقام، گەیشتن بە دیوی کەرخ و بە پێچەوانەوە، بۆ کەمکردنەوەی قەرەباڵغی هاتوچۆ لە چوارڕێیانەکانی نزیک.