سندوقی عێراق بۆ گەشەپێدان: نزیكەی یەك ملیار و 500 ملیۆن دۆلارمان لە وەبەرهێنان دەستكەوتووە

بەغداد - INA
ئەمڕۆ هەینی، سندوقی عێراق بۆ گەشەپێدان سێ دەستكەوتی خستەڕوو كە لە سەرەتای دامەزراندنیەوە بەدەستی هێناوە.
بەڕێوەبەری جێبەجێكاری سندوقی عێراق بۆ گەشەپێدان، ڕاوێژكاری سەرۆك وەزیران بۆ كاروباری وەبەرهێنان محەمەد نەجاڕ،  بە ئاژانسی هەواڵی عێراقی ڕاگەیاند: لەكاتی دامەزراندنیەوە كەمتر لە ساڵێك لەمەوبەر، سندوقەكە سێ دەستكەوتی بەدەستهێناوە، یەكەمیان بریتییە لە: واژۆكردنی 17 یاداشتنامەی لێكتێگەیشتن لەگەڵ 17 كۆمپانیای جیاواز (سعودی، بەریتانی، و ئەمریكی) بۆ هاتنە ناو عێراق.
ئاماژەی بەوەشكرد: بەهای كۆی ئەو وەبەرهێنانانەی كە بەم یاداشتانە بەدەست هاتوون نزیك بووەتەوە لە ملیارێك و نیو دۆلار، و وتیشی: ئەم هاوردەكردنانە بۆ یەكەمجار دێنە ناو عێراقەوە، نەك لە بواری وزە، بەڵكو لە بواری  پیشەسازی، كشتوكاڵ و بەرهەمهێنانی غاز، واتە گازە پیشەسازییەكان.
ئاشكراشیكرد: دەستكەوتی دووەم دەستپێكردنی پڕۆژەیە قوتابخانەكانی وەبەرهێنان بوو، هەروەها داواكاری پێشكەشكرا بۆ دروستكردنی دوو هەزار قوتابخانە لەڕێگەی وەبەرهێنانەوە، هەروەها دەوڵەت بەكرێیان دەدات لە وەبەرهێنەران، ئەمەش بڕە پارەیەكی زۆر پاشەكەوت دەكات، بەو پێیەی بۆ نرخی 100 قوتابخانە دەتوانین لە ماوەیەكی زۆر كورتتردا هەزار قوتابخانە دروست بكەین لەوەی كە بیری لێدەكرایەوە.
وتیشی: سەبارەت بە دەستكەوتی سێیەم نوێنەرایەتی دەستپێكردنی پڕۆژەی كۆمەڵایەتی بوو بۆ یەكەمجار، وەك دروستكردنی قوتابخانە و هتد، كە لە ڕێگەی كەرتی تایبەتەوە جێبەجێكرا، بۆ یەكەمجاریش دەتوانین كەرتی تایبەت بۆ ئەم ژمارەیە ڕابكێشین و ئەم ژمارەیە لە وەبەرهێنانەكانی پەیوەست بە دەوڵەتەوە، كە بە گۆڕانكارییەكی بنەڕەتی دادەنرێت حكومەت و سندوقەكە سەركەوتوو بوون لە دامەزراندنی، لە ژێر دەسەڵاتی سەرۆك وەزیران محەمەد شیاع سودانی.