سەرۆك وەزیران پاكێجێك لە پڕۆژەی خزمەتگوزاری لە پارێزگای نەجەف دەستپێدەكات

بەغدا –INA
ئەمڕۆ پێنجشەممە سەرۆكی ئەنجومەنی وەزیران محەمەد شیاع سودانی، پاكێجێك لە پڕۆژەی خزمەتگوزاری لە پارێزگای نەجەف دەستپێدەكات
نوسینگەی ڕاگەیاندنی سەرۆكی ئەنجومەنی وەزیران لە راگەیندراوێكدا كە بۆ ئاژانسی هەوالێ عێراقی ( INA )نێردراوەتێیدا هاتووە " محەمەد شیاع سودانی، سەرۆكی ئەنجومەنی وەزیران ئەمڕۆ پێنجشەممە، پاكێجێك پڕۆژەی خزمەتگوزاری لە پارێزگای نەجەف ڕاگەیاند بە تێچووی گشتی (555.808) ملیار دینار".
بەگوێرەی ڕاگەیەندراوەكە پاكێجەكە ئەم پرۆژانە لەخۆ دەگرێت:-
■ پڕۆژەی تۆڕ و هێڵەكانی گواستنەوەی ئاوەڕۆی گەڕەكی نیدا بە تێچووی 150 ملیار دینار.
■ ئامادەكردنی دیزاین و لێكۆڵینەوە بۆ ڕێگای پشتوێنی/ دەریای نەجەف و بەستنەوەی بەو ڕێگایانەی كە بەرەو كەربەلا دەڕۆن بە تێچووی 10 ملیار دینار.
■ ئامادەكردنی دیزاین و لێكۆڵینەوە بۆ دیزاینكردنی ڕێكخستنی گواستنەوە لە پارێزگای نەجەف بە تێچووی 20 ملیار دینار.
■ ئاوەڕۆی ناوەندی قەزای مەنازرە بە تێچووی 71.750 ملیار دینار.
■ ئاوەڕۆی ناحییەی قادسیە بە تێچووی 14.370 ملیار دینار.
■ ئاوەڕۆی ناحییەی حیرە بە تێچووی 38.500 ملیار دینار. 
■ ئاوەڕۆی ناحییەی حوڕییە بە تێچووی 27.900 ملیار دینار.
■ ئاوەڕۆی ناحییەی عەباسیە بە تێچووی 32.250 ملیار دینار.
■ پڕۆژەی وێستگەی چارەسەركردنی ئاوەڕۆی نەجەف / قۆناغی دووەم، بە تێچووی 140 ملیار دینار.
■ بەستنەوەی ڕێگای خێرای كفل-ئەلقاسم/ ڕێڕەوی دووەم بە درێژی 30 كیلۆمەتر، بە تێچووی 51 ملیار دینار.