سەرۆك وەزیران دڵنیایی دەدات بە خامنەئی لە هاودەنگیی عێراق لەگەڵ ئێران لەم كاتە سەختانەدا

بەغدا –INA
سەرۆكی ئەنجومەنی وەزیران محەمەد شیاع سودانی، دڵنیایی دەدات بە خامنەیی لە هاودەنگیی عێراق لەگەڵ ئێران لەم كاتە سەختانەدا ، هاوكات سەید عەلی خامنەئی ڕێبەری مەزنی كۆماری ئیسلامی ئێران ئاماژەی بەوەدا كە ئێرانیش بە هەمان شێوەی هاوكاری و خەمخۆری بەرژەوەندییە دوو قۆڵییەكان بەردەوام دەبێت.
نوسینگەی ڕاگەیاندنی سەرۆكی ئەنجومەنی وەزیران لە راگەیندراوێكدا كە بۆ ئاژانسی هەوالێ عێراقی ( INA )نێردراوەتێیدا هاتووە " محەمەد شیاع سودانی، سەرۆكی ئەنجومەنی وەزیران ، بەیانی ئەمڕۆ چوارشەممە لەگەڵ شاندێكی فەرمی گەیشتە تاران و لەگەڵ ڕێبەری باڵای كۆماری ئیسلامی ئێران سەید عەلی خامنەئی كۆبووەوە بۆ پێشكەشكردنی پرسە و سەرەخۆشی بەبۆنەی كۆچی دوایی سەرۆك كۆمار ئیبراهیم ڕەئیسی و وەزیری دەرەوە حوسێن ئەمیر عەبدوڵڵاهیان و هاوڵانیان".
بەگوێرەی ڕاگەیەندراوەكە" سەرۆكی ئەنجومەنی وەزیران ، هاوخەمی و هاوسۆزی خۆی بۆ بەڕێز خامنەئی و حكومەت و گەلی ئێران دەربڕی بۆ ئەم ڕووداوە ئازاربەخشە و جەختی لە سەر هاودەنگی عێراق بە حكومەت و گەلەوە كردەوە لەگەڵ ئێران لەم كاتە سەختەدا".
هەروەها سەرۆك وەزیران "ئاماژەی بە قووڵی پەیوەندییە دوو قۆڵییەكانی نێوان هەردوو وڵات كرد و جەختی لەبەردەوام بوونی كاراكردنەوەی ڕێككەوتنە دوو قۆڵییەكانی نێوانیان كردەوە، بەتایبەتی كە عێراق لە كۆتایی ئەم مانگەدا چاوەڕێی سەردانێكی فەرمی ڕەئیسی دەكرد (خوای گەورە لێی خۆشبێت)، و مردنەكەی لەدەستدانێكی گەورە بوو بۆ ناوچەكە نەك تەنها بۆ ئێران، چوونكە كۆچكردوو كەسایەتییەك بوو بە شێوەیەكی كارا و بەرپرسیارانە كاری دەكرد بۆ ئاشتی و هاریكاری نێوان هەموو وڵاتانی ناوچەكە".
هەروەها ئەوەیش هاتووە كە " سودانی ستایشی ژیاننامەی سەرۆكی كۆچكردووی كرد و ئاماژەی بە پێگە و خزمەتگوزارییە بەرچاوەكانی كرد كە پێشكەشی گەلی ئێرانی كردووە و هەوڵەكانی بۆ ئاشتی و سەقامگیری هەرێمی و نێودەوڵەتی و كارەكانی بۆ پتەوكردنی هاوبەشییە بەرهەمدارەكان لەگەڵ عێراق و وڵاتانی دیكەی ناوچەكە".
هەر بە پێی راگەیندراوەكە ئەوەیش  هاتووە ،" سەید خامنەئی جەختی لە بەهێزی پەیوەندییەكانی نێوان كۆماری ئیسلامی و عێراق كردەوە و ئاماژەی بەوە كرد كە ئێران به هه مان ڕێباز بەردەوام دەبێت لە هەماهەنگی و گرنگیدان بە بەرژەوەندییە دوو قۆڵییەكان و ئاماژەی بەئەوەش كرد كە كۆماری ئیسلامی بە كۆچی دوایی ڕەئیسی كەسایەتییەكی بەرچاوی لەدەستداوە، چونكە بەرپرسێكی لێهاتوو و دڵسۆز بوو لە كارەكانیدا، هەروەها پێزانینی خۆی بۆ سودانی و گەلی عێراق دەربڕی بۆ ئامادەبوونی بۆ پێشكەشكردنی پرسە و سەرەخۆشی و بەشداریكردنی هاوخەمی و هاوسۆزی".