سەرۆک کۆمار بۆ گیانلەدەستدانی سەرۆکی ئێران و یاوەرانی پرسەی خۆی ئاڕاستە دەکات
سیاسی
- 20-05-2024, 11:01
بەغداد/ INA
سەرۆک کۆمار عەبدولەتیف جەمال ڕەشید ئەمڕۆ ڕۆژی دووشەممە بۆ گیانلەدەستدانی سەرۆکی ئێرانی و یاوەرەکانی پرسەی خۆی ئاڕاستەکرد.
سەرۆک کۆمار لە تویتێکدا لەسەر سەکۆی ئێکس کە ئاژانسی هەواڵی عێڕاقی بەدووداچونی بۆکردووە وتی بەدڵێکی پڕباوەڕ بە قەزاوقەدەری خودا هەواڵی گیانلەدەستدانی سەرۆکی ئێران ئیبڕاهیم ڕەئیسی و ژمارەیەک بەرپرسی ئێرانیمان پێگەیشت.
وتیشی بەم بۆنە دڵتەزێنەوە پرسەو دڵنەوایی خۆمان ئاڕاستەی ڕابەری گشتی باڵای ئێران ئایەتوڵڵا عەلی خامنەئی و کۆماری ئیسلامی بەگەل و نیشتیمانەوە دەکەین و لەم بارودۆخە دژوارەدا لەگەڵیان دەبین و پاڵپشتیان دەکەین.
