خانەنشینی نیشتمانی سیاسەتێكی نوێ بۆ ئاسانكردنی مامەڵەی خانەنشینان ڕادەگەیەنێت

بەغدا -  INA-محەمەد تاڵبی
ئەمڕۆ یەكشەممە دەستەی خانەنشینی نیشتمانی سیاسەتێكی نوێی ئاشكرا كرد بۆ ئاسانكردنی مامەڵەی خانەنشینان و پێكهێنانی لیژنەیەك لەو بارەیەوە لە كاتێكدا ئاماژەی بە هەنگاوێك كرد بۆ واژۆكردنی گرێبەستێك لەگەڵ كۆمپانیایەكی تایبەتمەند بۆ ئۆتۆماتیكیكردنی كاری خانەنشینی و ئەرشیفكردنی دۆسیەكان، بەڵام كردنەوەی ئەو كارەی پشتڕاستكردەوە لە ناوەندەكانی بەغدا و پارێزگاكان بۆ كەمكردنەوەی بارگرانی لەسەر بەساڵاچووان.
سەرۆكی دەستەكە ماهر حسێن ڕەشید بەیاتی بە ئاژانسی هەواڵی عێراقی (INA)ی ڕاگەیاند: ئەو سیاسەتە نوێیەی دەستەكە پەسەندی كردووە، كە ئامانجی سادەكردنی مامەڵەی خانەنشینەكانە، بەڵگەی لەسەر دەكرێت لەگەڵ ڕێنماییەكانی دەرچوو و بڵاوكردنەوەی لە ڕۆژنامەی عێراقی، و بەم شێوەیەش پابەندكەر دەبێت بۆ هەموو جومگەكان و بەڕێوەبەرایەتییەكان و پێكهاتەكان وبەشەكانی دەستەكە.
بەیاتی ڕوونیكردەوە : ڕەشنووسی سەرەتایی ئەم ڕێنماییانە هێشتا لە پرۆسەی گفتوگۆدایە لەگەڵ ئەنجومەنی دەوڵەت، كە لیژنەیەك پێكهێنراوە بە سەرۆكایەتی ڕاوێژكاری ئەنجومەنی دەوڵەت و ئەندامێتی نوێنەرانی وەزارەتەكانی بەرگری و ناوخۆ ، هەروەها وەزارەتی دارایی و ئەنجومەنی خزمەتگوزاری فیدراڵی و ئەمینداریەتی گشتی ئەنجومەنی وەزیران بۆ ئەم بابەتە.
ئاماژەی بەوەشكرد : ئامانجی ڕێنماییەكان ئاسانكاری و ئاسانكاریكردنی ڕێكارەكان و دووركەوتنەوە لە بیرۆكراسی لە شوێنی كاردا و جەختیشیكردەوە: پلانی دەستەكە ئۆتۆماتیكیكردنی كاری خانەنشینی لەخۆدەگرێت، بەو پێیەی دەستەكە دەستیكردووە بە كردنەوەی بەرنامەی ئەلیكترۆنی گەورە و پێشكەشكردنی خزمەتگوزاری، لەنێویاندا ئەنجامدانی راستنامە و كردنەوەی دەرگاكان بە چوونە ژوورەوەی دەرگای ئۆری حكومەی و كە لەلایەن سەنتەری داتا نیشتمانییەكان لە سكرتاریەتی گشتی ئەنجومەنی وەزیران بەڕێوەدەبرێت.
ناوبراو ووتیشی : دەستەكە بە هاوكاری تیمی ئاسایشی ئەلیكترۆنی و دەزگا ئەمنییەكان كار لەسەر خستنەبازاڕی ئەپڵیكەیشنێكی تەلەفۆنی دەكات بۆ پشكنین و پشتڕاستكردنەوەی وردی ئەپلیكەیشنەكە و پاراستنی زانیارییە پەیوەندیدارەكان بە خانەنشینەكانەوە بە مەبەستی دڵنیابوون لەوەی كە هاك نەكراوە یان هاك نەكرێت و ئاماژە بەوە دەكات كە دەستەی خانەنشینی بەنیازە گرێبەست لەگەڵ كۆمپانیایەكی تایبەتمەند بكات كە كاری خانەنشینی بە شێوەیەكی ئۆتۆماتیكی بكات و دۆسیەكانی خانەنشینی هەموویان ئەرشیف بكات.
ئاماژەی بەوەشكرد : دەستەكە هەوڵدەدات سەنتەری تێبینییەكان (سەنتەرەكان) بكاتەوە بەمەبەستی كەمكردنەوەی بارگرانی لەسەر خانەنشینكراو لە پەنابردن بۆ دەسەتی خانەنشینی نیشتمانی، بەتایبەتی كە خێزان و كەسانی بەساڵاچوو زۆرن كە بەزەحمەت مامەڵە لەگەڵ ئەو تەكنەلۆژیایەدا دەكەن، ئاماژە بەوە دەكات كە زۆر سەنتەر لە ناوچەكانی بەغدا و پارێزگاكان كراوەتەوە، هەروەها باشتركردنی ژینگەی ئەدای كاركردن لەناو دەستەی خانەنشینیدا.