فەرماندەی گشتی هێزەچەکدارەکان ڕێنماییدا بە دامەزراندنی ئەکادیمیای زانستی و ڕاهێنان بۆ کاری هەواڵگری

بەغدا-INA
ئەمڕۆ شەممە"محمد شیاع سودانی " سەرۆک وەزیران و فەرماندەی گشتی هێزە چەکدارەکان سەرپەرشتی کۆبوونەوەی ئەنجوومەنی هەواڵگری نیشتیمانی کرد و کۆمەڵێک مەلەفی ئەمنی و تەوەری پەیوەندیدار بە کاری هەواڵگری و ئەو پلانانەی لەم چوارچێوەیەدا پەیڕەو کراون گفتوگۆی لەبارەوە کرا .
نوسینگەی ڕاگەیاندنی سەرۆک وەزیران، لە بەیاننامەکەیدا کە بۆ ئاژانسی هەواڵی عێراقی (INA) ناردوویەتی تیایدا هاتووە :- لە کۆبوونەوەیەکدا  دوایین پێشهات و  کاری ئەمنی و هەواڵگری خرایەروو، بەپێی ئەو  بەرپرسیارێتیەی کە دابەشکراوە،هاوکات سەرۆک وەزیران گوێی لە هەڵسەنگاندنی هەمەلایەنە بوو بۆ ئامادەیی و جێبەجێکردنی خزمەتگوزارییە ئەمنی و هەواڵگرییەکان، و ئەو ئەرکانەی کە لە ئەستۆی دەگرن و پەیوەندیدارە بە ئاسایشی عێراق و سەلامەتی خاکەکەی، هەروەها گفتوگۆکران لەسەر نەخشەی کاری ئەمنی لە بواری ڕێوشوێنی پێشوەختە، و ئەو پلانانەی پێشوەختە ئامادە دەکرێن بۆ ڕووبەڕووبوونەوەی هەر هەڕەشەیەکی ئەمنی یان پێشێلکاریەک لەوبارەوە.
هەر بەپێی بەیاننامەکە: لەمیانی کۆبونەوەکە "سودانی" جەختی لە گرنگی هاوکاری نزیک لە نێوان دەزگاکانی ئاسایش و هەواڵگری کردەوە لە بەڕێوەبردنی مەلەفی زانیاریەکان بە شێوەیەکی گونجاو وەک یەک تیم و دابەشکردنی کاری هەواڵگری لەنیوانیان، هەروەک تەئکیدی  لەسەر دڵنیابوون لە پێداویستییەکان کردەوە بۆ دانانی سیاسەتی گشتی لە کاری هەواڵگریدا، و نوێکردنەوەیان بەپێی دوایین تەکنیکی بوارەکە.
وەک بەیاننامەکە ئاماژەی پێداوە :- سەدانی باسی لە گرنگی بەدواداچوون بۆ گروپە تیرۆریست و توندڕەوەکان کرد، هەروەها چاودێری هەر جوڵانەوە و چالاکیەک کە ئاشتی کۆمەڵایەتی بکاتە ئامانج، بەتایبەتی دوای ئەو سەرکەوتنانەی کە لەلایەن هێزە چەکدارەکانەوە بەدەست هاتوون، بە هەموو پێکهاتەکانیەوە لە ئەفلیج پێکردنی ئەو باندانە.