ئاسایشی نیشتمانی مەترسیدارترین تۆڕی بازرگانیی ماددە هۆشبەرەكانمان لە سلێمانی دەستگیركرد
ئەمنی
- 17-05-2024, 19:29
بەغدا –INA
دەزگای ئاسایشی نیشتیمانی تۆڕێكی قاچاخچێتی و بازرگانی ماددەهۆشبەرەكانیان لە پارێزگای سلێمانی دەستگیركرد.
دەزگای ئاسایشی نیشتیمانی لە راگەیەندراوێكدا كە بۆ ئاژانسی هەواڵی عێراقی (INA ) نێردراوە تێیدا هاتووە "دەستگیركردنی ئەو تۆڕەی راگەیاند كە بە ترسناكترین تۆڕی بازرگانیی ماددە هۆشبەرەكان ناویانبردووە".
هەروەها لە راگەیەندراوەكەدا هاتووە، بە پشتبەستن بە رێنماییەكانی فەرماندەی گشتی هێزە چەكدارەكان و هەماهەنگی لەگەڵ بەڕێوەبەرایەتیی ئاسایشی باكووری بەغداد و بەشی ئۆپەراسیۆنەكانی ئاسایشی پارێزگای سلێمانی، توانرا یەكێك لە مەترسیدارترین تۆڕەكانی بازرگانی و قاچاخچێتی هەڵبوەشێننەوە و ئەندامەكانی دەستگیربكرێن لە ساتی ئەنجامدانی تاوانەكەدا.
