دەستپێكردنی سی و سێهەمین لوتكەی عەرەبی لە بەحرەین

بەدوادچوون –INA
ئەمڕۆ پێنجشەممە، سی و سێهەمین كۆبوونەوەی لوتكەی عەرەبی لە مەنامە پایتەختی بەحرەین دەستیپێكرد.
سەركردە عەرەبییەكان، لە چوارچێوەی چالاكییەكانی ٣٣هەمین دانیشتنی ئەنجومەنی كۆمكاری دەوڵەتانی عەرەبی، بۆ تاوتوێكردنی كۆمەڵێك بابەتی هاوبەش، لە دیارترینیان شەڕی زایۆنیستەكان بۆ سەر غەززە، قەیرانی سودان و پێشهاتەكانی ناوچەكە، كۆدەبنەوە ، و هەماهەنگی هەوڵەكانی پەیوەست بە كردەوەی هاوبەشی عەرەبی لە بوارە جیاوازەكاندا.
سكرتێری گشتیی كۆمكاری عەرەبی، ئەحمەد ئەبولغیس، خوازیاری هەنگاوی هاوبەشی عەرەبی بۆ ڕاگرتنی شەڕی زایۆنیستەكان بۆ سەر غەززە و دروستكردنی ڕێگایەك بۆ دامەزراندنی دەوڵەتی فەلەستین بوو.
وەزیرانی دەرەوەی عەرەبی كۆبوونەوەكانی ئامادەكاری خۆیان ئەنجامدا و لەو ماوەیەدا ڕەشنووسی بەیاننامەی كۆتایی ڕێككەوتن كرا.
بەگوێرەی ڕەشنووسی بەیاننامەی لوتكەی بەحرەین، لە كۆبوونەوەی لوتكەی عەرەبی لە بەحرەین، كۆمەڵێك ڕەشنووسی بڕیارنامە و پێشنیاری پێشكەشكراوی وڵاتانی عەرەبی، لەوانە بانگەوازی جێگیركردنی هێزەكانی پاراستنی نێودەوڵەتی و ئاشتیپارێزی نەتەوە یەكگرتووەكان لە ناوچەكانی فەلەستین، تاوتوێ دەكرێت.
لە ڕەشنووسی پڕۆژەكەدا خوازیاری ڕاگرتنی دەستدرێژیی زایۆنیستەكان بۆ سەر كەرتی غەززە و كشانەوەی هێزەكانی داگیركەری زایۆنی لە هەموو ناوچەكانی كەرتی غەززە و ڕەتكردنەوەی هەر هەوڵێك بۆ ئاوارەبوونی گەلی فەلەستین لە كەرتی غەززە یان كەرتی ڕۆژئاوا ڕەتكرایەوە.
دەقی ڕەشنووسەكە كە پێش بەڕێوەچوونی لوتكەی عەرەبی هاتووە: “داوا لە كۆمەڵگەی نێودەوڵەتی دەكەین بەرپرسیارێتی خۆی بۆ پێشخستنی هەوڵەكانی ئاشتی بۆ گەیشتن بە چارەسەری دوو دەوڵەتی جێبەجێ بكات”.
لە ڕەشنووسەكەدا هەرچەشنە هەوڵێك بۆ ئاوارەبوونی زۆرەملێی گەلی فەلەستین لە كەرتی غەززە، كەرتی ڕۆژئاوا و قودسی ڕۆژهەڵات ڕەتكرایەوە.
لە ڕەشنووسەكەدا خوازیاری ئەوەی كە ڕێكخراوەكانی نەتەوە یەكگرتووەكان بەتایبەتی دەزگای فریاگوزاری و كارەكانی نەتەوە یەكگرتووەكان بۆ پەنابەرانی فەلەستین (UNRWA) بتوانن بە ئازادی و سەلامەتی كاربكەن و بەرپرسیارێتیەكانی خۆیان ڕاپەڕێنن، هەروەها جەختی لەسەر پێویستی ڕاگرتنی دەستدرێژیی زایۆنیستەكان بۆ سەر كەرتی غەززە و  كشانەوەی هێزەكانی داگیركەری زایۆنیستی لە هەموو ناوچەكانی كەرتی.
هەروەها لە ڕەشنووسی پڕۆژەكەدا داوای ئاگربەستی دەستبەجێ و بەردەوام لە سودان دەكات.