پرسه‌نامه‌يه‌ك له سه‌رۆكى هه‌رێمى كوردستانه‌وه
سیاسی
- 14-05-2024, 16:49
هه‌ولێرـ INA
نێچیرڤان بارزانی سه‌رۆكی هه‌رێمی كوردستان پرسه‌نامه‌یه‌ك ئاراسته‌ی كه‌س وكاری قوربانیانی رووداوی ئه‌مڕۆی رێگای كه‌لارـ كفری كردووه ونووسینگه‌ی راگه‌یاندنی سه‌رۆكی هه‌رێم بۆ ئاژانسی هه‌واڵی عێراقی ناردوو وتێدا هاتووه" ڕووداوى دڵته‌زێنى ئه‌مڕۆى گيانله‌ده‌ستدانى ژماره‌يه‌ك قوتابيى ئاماده‌يى و برينداربوونى ژماره‌يه‌كى ديكه‌يان له ڕووداوێكى هاتوچۆدا له‌سه‌ر ڕێگه‌ى كه‌لار ـ كفرى، له ناخه‌وه خه‌مبارى كردم. پرسه و سه‌ره‌خۆشى له خێزان و كه‌سوكارى قوربانييان ده‌كه‌م، له‌م خه‌م و كۆسته به‌ئازاره‌دا هاوسۆز و هاوخه‌ميانم.
له خواى مه‌زن داواكارم گيانى قوربانييان به به‌زه‌يى و مهيره‌بانيى خۆى شاد بكات و ئارامى و دڵنه‌وايى به خێزان و كه‌سوكار و هاوڕێيانيان ببه‌خشێت. هيواى زووچاكبوونه‌وه بۆ برينداران ده‌خوازم.
