وەزارەتی دەرەوە بەردانی 11 گیراوی عێڕاقی لە لوبنان ڕاگەیاند
ناوخۆ
- 14-05-2024, 13:56
بەغداد/ INA
وەزارەتی دەرەوەی عێڕاقی ئەمڕۆ ڕۆژی سێشەممە ڕایگەیاند کە 11 عێڕاقی کەلەلوبنان ڕاگیرابوون بەردران.
وەزارەت لە بەیاننامەیەکدا کە بۆ ئاژانسی هەواڵی عێڕاقی نێردراوە تێیدا هاتووە کە باڵیۆزخانەی کۆماری عێڕاق لەبەیروت هەستاوە بە بەردانی 11 عێڕاقی کە لەلایەن دەزگا ئەمنیەکانی لوبنانەوە دەستگیرکرابوون ولەڕێگای فڕۆکەخانەی ڕەفیق حەریریەوە بەرەو سعودیە بەڕێکەوتبوون بەڵام ڤیزای چوونیان بۆ سعودیە پێنەدرا و گەڕێنرابوونەو بۆ فڕۆکەخانەی بەیروت.
بەیاننامەکە ئاماژەی بەوەکرد کە باڵیۆزخانەی عێڕاق لەلوبنان پەیوەندی بە لایەنی دادوەری و دەزگا ئەمنیەکان کرد وتوانی بەریان بدات، پاش بەردانیشیان باڵیۆزخانەی عێڕاق گواستیانیەوە بۆ ئوتێل، ڕوونیشی کردەوەکە باڵیۆزخانەی
عێڕاق لەسعودیە هەڵدەستێت بەبەدووداچونی کێشەکەیان و گێڕانەوەیان بۆ عێڕاق.
