مەندەلاوی: سیاسەتی دەرەوەی عێراق کراوەیه‌ لەگەڵ ره‌وشی ناوچەیی و نێودەوڵەتی

به‌غدا-INA
موحسین مەندەلاوی، سەرۆکی ئەنجومەنی نوێنەران بە وەکالەت، دووپاتی کردەوە کە عێراق کراوەیە بەڕووی دەوروبەرەکەیدا و ئارەزووی بەهێزکردنی پەیوەندییەکانی دەکات له‌سه‌ر بنەمای ڕێزگرتنی یەکتر و بەرژەوەندی هاوبەش.
نووسینگەی ڕاگەیاندنی سەرۆکی ئەنجوومەنی نوێنەران بە وەکالەت لە ڕاگەیەنراوێکدا کە بۆ ئاژانسی هەواڵی عێراقی (INA) ناردووه‌، تێدا هاتووه‌" موحسین مه‌نده‌لاوی، سەرۆکی ئەنجوومەنی نوێنەران بە وەکالەت، دوێنێ ئێواره‌ لە نوسینگەی تایبەتی خۆی پێشوازیی کرد له‌گروپی عێراقی بۆ کاروباری دەرەوە، کە تیایدا پیرۆزبایی دەستپێکردنەکەی لێکردن، و ستایشی ڕۆڵ و بەشدارییەکانیان لە چوارچێوەی ئەم دەستپێشخەرییە کرد.
مەندڵاوی جەختی لەوە کردەوە، كه‌عێراق سیاسەتی دەرەوەی خۆی لەسەر کرانەوەی لەگەڵ دەوروبەری ناوچەیی و نێودەوڵەتی چڕ دەکاتەوە، و هەوڵ دەدات پەیوەندی نزیک لەگەڵ هەمووان لەسەر بنەمای ڕێزگرتنی یەکتر و بەرژەوەندی هاوبەش دروست بکات، هه‌روه‌ها داوای سوود وه‌رگرتن له‌وزە و لێهاتووییەکانی نوخبە نیشتمانییەکان كرد و بەشداریکردنیان لە داڕشتنی ئەو دیدگایانەی کە پێگە و ڕۆڵی عێراق بەرز دەکەنەوە.