بانكی بازرگانی عێراق بەشداری لە پرۆسەی تەوتینی مووچەی فەرمانبەرانی هەرێم دەكات

بەغدا – INA
ئەمڕۆ چوارشەممە، بانكی بازرگانی عێراق بەشداریكردنی خۆی لە پڕۆسەی تەوتینكردنی مووچەی فەرمانبەرانی هەرێم ڕاگەیاند، ئاماژەیە بۆ ئەوەی چاوەڕێی حكومەتی هەرێم دەكات لیستی ناوی ئەو فەرمانبەرانە بنێرێت كە مووچەكانیان بە خۆجێیی دەكرێت.
عەقیل شووەیلی ، ڕاوێژكاری ڕاگەیاندنی بانكی بازرگانی عێراق بە ئاژانسی هەواڵی عێراقی (INA) راگەیاند"بە پابەندبوون بە بڕیارەكانی دادگای باڵای فیدراڵی و بە پشتبەستن بە ڕێنماییەكانی سەرۆكی ئەنجومەنی وەزیران محەمەد شیاع سودانی، سەبارەت بە بەشداریكردنی بانكەكە لە پرۆسەكەدا تەوتینكردنی مووچەی فەرمانبەرانی حكومەتی هەرێمی كوردستان، شاندێكی تایبەتمەند لە بانكی بازرگانی عێراقی كۆبووەوە" ئاماژە بەوە دەكات كە “لە كۆبوونەوەكەدا، پێداویستییەكانی پرۆسەی كردنەوەی حیساب و، دەركردنی كارت، و دانانی ئامێری وەرگرتنی پارەی ئۆتۆماتیكی (ATM) لە سەرتاسەری هەرێمدا بۆ و پرۆسەی دەرهێنانی پارە بۆ كارمەندان باس كران".
ئاماژەی بەوەشكرد، "شاندە بانكییەكە بۆ شاندی پەیوەندیدار ڕوونكردەوە كە پرۆسەی تەوتینكردنی مووچەی فەرمانبەران لە هەرێمی كوردستانی عێراق لە هەموو شتێك گرنگترە بۆ سەرۆكی ئەنجومەنی وەزیران محەمەد شیاع سودانی، و ئەویش ڕاستەوخۆ و بە شێوەیەكی شەخسی پەیڕەوی لێدەكات بەهۆی ئەو نیگەرانی ئەم بابەتە نوێنەرایەتی دەكات بۆ گەلەكەمان لە ناوچەی كوردستانی عێراق”.
ئاشكراشی كرد، "شاندی بانكی بازرگانی عێراقی ئامادەیی تەواوی خۆی دەربڕی بۆ پێشكەشكردنی خزمەتگوزاری تەوتینكردنی مووچە و پێدانی كارتی ئەلیكترۆنی بە فەرمانبەرانی كەرتی حكومی لە هەرێمی كوردستانی عێراق"، ڕوونیشیكردەوە كە "بانكەكە چاوەڕێی حكومەتی هەرێمە بۆ ناردنی لیستەكانی  ناوی ئەو فەرمانبەرانەی كە مووچەكانیان لەگەڵیدا خۆجێی دەكرێت، هاوپێچ دەكرێت لەگەڵ بەڵگەنامە پشتگیرییەكان، بۆ ئەوەی بتوانێت دەست پێبكات و بەردەوام بێت لە پرۆسەی تەوتینكردنی موچەی فەرمانبارانی هەرێمی كوردستان".